Blackwater Valley Exorcism
|
C'l artìcul chè 'l è scrit in
Miranduléś |
 Blackwater Valley Exorcism
| ||
 La Kristin Erickson in na figùra dal film | ||
| 'L eśurcìśum dla val dgl'aqui négri 2006 | ||
|---|---|---|
| Regìa: Ethan Wiley | ||
| Scritōr: Ellary Eddy | ||
| Atōr: Kristin Erickson • Leslie Fleming-Mitchell Cameron Daddo • James Russo • Del Zamora Randy Colton • Paul Kapellas • Jeffrey Combs | ||
| Müsica: Joseph Bauer | ||
| Léngua: Ingléś • Latìn | ||
| Dürä dal film: 90 minüt | ||
| Nasiōṅ: Stat Unî | ||
Blackwater Valley Exorcism (’L eśurcìśum dla val dgl'aqui négri) 'l è 'n film ad scarésa dal 2006 'd Ethan Wiley.
La pelìcula la turév ispirasiòṅ da dū caś testimuniâ 'd pusesiòṅ e òṅ préśunt 'd eśurcìśum fat da 'l véscuv munsgnōr Jason Spadafore dla céśa 'd St. Raphael of the Angels a Raleigh, capitàl dla Carulìna dal Nòrd. Al religióś al figùra anc cuma cunsulènt spirituàł dal film.
Sunt
Luke (Paul Kapellas) 'l è 'n śōvan ch'al lavóra insém a Miguel (Del Zamora) in dal sit dla famìja 'd Eli (Randy Colton) ch'l è spuśâ cun la Blanche (Leslie Fleming-Mitchell) e 'l gh'à dū fiōli, l’Isabelle (Kristin Erickson) e la Claire (Madison Taylor). Un dè al ragàs al cata l’Isabelle in di camp fóra 'd tèsta e pîna 'd sànguv in di làbar dòp avēr magnâ na lévra salvàdga. Chi lē, ch'la gh'à la pasiòṅ di cavài, la diś 'd avēr-'g al Demòni dèntar e la taca a far-as di taj in di bras par tiràr-'s-al fóra.
Eli al dmanda ajùt prima a 'n veterinàri, al dutōr McCall (Don O. Knowlton), ch'al gh daga 'n calmànt, pò su cunsìli dla Blanche e 'd Miguel al ciàma 'n prēt par far-ag 'n eśurcìśum, pàdar Jacob (Cameron Daddo), na vòlta ligâ a la Claire. Chi lò al n s sènt minga prònt p'r un quèl dal gènar anc s'al véscuv (James Russo) al vrév ch'al tachìs e anc Luke, ch'l è inamurâ dl'indemuniàda, al n vōl minga tgnir-la tròp in lunga dònca al ciàpa 'n sćiòp par custrìnś'r-al a dar-as da far.