Bambola
|
C'l artìcul chè 'l è scrit in
Miranduléś |
 Bambola
| ||
 La Marini e Jorge Perugorría in na figùra dal film | ||
| Bàmbula 1996 | ||
|---|---|---|
| Regìa: Juan José Bigas Luna | ||
| Scritōr: Cesare Frugoni • Bigas Luna | ||
| Atōr: Valeria Marini • Jorge Perugorría Anita Ekberg • Stefano Dionisi • Arsenio Luna Antonino Iuorio • Manuel Bandera • Bruna Bossi Carlo Mendicini • Francesco Ghibli Lombardi | ||
| Müsica: Lucio Dalla | ||
| Léngua: Itagliàṅ | ||
| Dürä dal film: 95 minüt | ||
| Nasiōṅ: Spaggna • Itàglia • Frància | ||
Bambola (Bàmbula) 'l è 'n film eròtic dal 1996 ad Juan José Bigas Luna girâ in Emìglia a Cmać. 'L è stâ preśentâ a 'l 53śum Fèstival ad Venèsia in dua 'l à ciapâ di fisć e dal ridùdi adrē[1]. La prutagunìsta Valeria Marini, minga cuntènta dal séni purcùsi muntàdi in dal film, l'à purtâ in tribunàł al prudutōr Marco Poccioni ma l'à pardû la càuśa e l'è stada custréta a pagàr vint migliòṅ ad franc parchè, a dita di giùdas, al film la 'l à girâ lē dònca la n psiva minga a n savēr briśa qvél ch'l'éra drē a far[2].
In di tìtui ad cóa la Patty Pravo la canta 'l braṅ La bambola.
Sunt
Dòp la mòrt ad sò màdar Greta (Anita Ekberg) la Mina dita Bàmbula (Valeria Marini) e sò fradèl fnòć c'n i cavìi tint ad biónd Flavio (Stefano Dionisi) i vèran na piserìa in dal Fraréś a Cmać druànd i bèsi 'd un budlòṅ ciamâ Ugo (Antonino Iuorio) ch'al vrév tōr la ragàsa par muróśa ma lì lē la s tira sèmp'r indrē. La ragàsa la gh'à anc na cavra pìcula ch'la s pòrta sèmp'r adrē.
Un dè i tri i decìdan 'd andàr a divertìr-as a 'l Aquafan 'd Arśòṅ e lè i cgnósan Settimio (Manuel Bandera), un śuvnòt ch'al pèrd la tèsta par la Bàmbula. Ugo però al s arlìa e 'l taca a litgàr sèg in fiṅ tant ch'al ślìcia śò śbaténd la tèsta e al mōr. Settimio al finìs in parśòṅ in du al li ciàpa da 'n brut grintèṅ ciamâ Furio (Jorge Perugorría). La Mina e sò fradèl i al vàn'n a catàr da spés e Furio al gh buta gl'òć adòs. Dòp avér fat inculàr Settimio da di sò cumpâr e avér naśâ 'l mudandìni dla Bàmbula druàdi da cal pès, Furio al viulénta la Mina che però in na quàlc manéra la gh cata anc gust e quànd chi lò al vîṅ fóra lē la 'l tōś sèg a Cmać anc se Flavio, ch'in cal méntar 'l è dvintâ dimóndi amìg ad Settimio, al n è mia 'd acòrd.
Ma quànd òṅ 'l è fat a l'arvèrsa a n gh'è gnint da far. La pòvra Bàmbula la li ciàpa sèmpar da lò e l'è custréta a 'lvàr sèmp'r al stanéli quànd 'l al vōl lò. Par furtùna che Flavio al gh'à 'l sćiòp ch'la druàva sò màdar.
Culegamènt estéran
- (EN) La schéda dal film in s'l IMDb
- (IT) La schéda dal film in sal FilmTV
- (IT) La schéda dal film in sal sit dla Cunferénsa Episcupàla
Nòti
- ↑ Fra thriller e èros: adìo a Bigas Luna Sentieri Selvaggi, 7 'd Avrìl dal 2013
- ↑ La Valeria Marini l'à pardû al ricōrs par „Bàmbula“ Adnkronos, 21 ad Mars dal 1997