Atacamèint

C'l artìcol chè 'l è scrit in Carpśàn

'L atacamèint (attaccamento in itagliàṅ), 'l è na manéra ed tóres e 'd conportères, tra dō persòuni, ch'a strìca un legàṁ particolèr tra lōr dō.

A s in pōl catèr el raìś in cal ligàṁ primàri ch'a gh'è tra 'n putèin e cla persòuna granda ch'a s'è tolta a cōr che lò 'l chersìs bèin, la só mama o anca 'n èter caregiver.

«

L’Attaccamento può essere definito come un sistema dinamico di comportamenti che contribuiscono alla formazione di un legame specifico fra due persone, un vincolo le cui radici possono essere individuate nella Relazione Primaria fra Madre e Bambino. La madre fornisce al bambino una “base sicura” (Figura di Attaccamento) dalla quale egli può allontanarsi per esplorare il mondo e farvi ritorno.»

(IT)(Psicologia, psicopatologia, psichiatria, ed G. P. Guaraldi, 2018.^[1])

«

'L Atacamèint al s pōl considerèr damànd na manéra ed móvres e 'd conportères ch'i iùten a mètr in pē 'n ligàm particolèr tra do persòuni, un ligàm ch'a s in pōl catèr el raìś in dla Relasiòun Primària tra la Mèder e 'l Putèin. La mèder la śibìs a 'l putèin cla “tèra sicùra” (Figùra 'd Atacamèint) perchè lò al s'in pòsa śluntanères a esplorèr al mond e anc turnèrgh indrē.»

(CARPŚ)

Cuś'in dìś la Psicologìa

Soquànt psicòlog, in particolèr John Bowlby e Mary Ainsworth, i àn strulghê di esperimèint, la Strange situation, e oservê diferèinti sorti 'd atacamèint di putèin ala só mama, per vìa 'd catèr dal teorìi ch'i spieghìsen cum'a s vin sù s'a s gh'à avû dimòndi o pòc atacamèint col caregiver da cìc.
Dòp 'd avér oservê el rispòsti ed soquànti mèdri ai só putèin ch'i i ciamèven col só piant da cichìn cichìn, e la manéra ed tórsla e 'd mucèr sù un caràter schifiltōś, difidèint, o tranqvìl di putèin, i psicòlog i àn catê prìma 3, pò più tèrdi, 4 manéri diferèinti 'd atacamèint di putèin ala só mama:

Atacamèint sicùr;
Atacamèint mìa sicûr/ch'al s'fà da pèrt;
Atacamèint ansiōś/ambivalèint;
Atacamèint mìa orientê/mìa organiśê

In dal specìfic, a s è catê che 'n atacamèint sicùr ala mama o a 'l papà, o ala nòna, al permèt a 'l putèin 'd èser più tranqvìl e interesê a esplorèr 'l ambiìnt dintórna.
Mèinter che di atacamèint più problemàtic i lasen al putèin preocupê e minga tant liber ed crèser sèinsa soquànt difèt ed caràter.

Manéri 'd dìr

(CARPŚ) Chi du ragàs lè i ìn dimòndi tachê. (IT) Quei due ragazzi sono molto attaccati tra loro.
(CARPŚ) L'è na ragàsa dimòndi tachèda a só mèder. (IT) È una ragazza molto attaccata a sua madre.
(CARPŚ) La gh'è tachèda damànd na taiadèla a 'l meschel, (IT) Gli è attaccata (affezionata) come una tagliatella al mestolo.

Vōś lighèdi

Noti e referèinsi

↑ (IT) Psicologia, psicopatologia, psichiatria - Tra tecnica, assistenza ed etica, ed Gian Paolo Guaraldi, 2018, paǵ 55, Milàṅ.

Èter progèt

Wikimedia Commons contiene file multimediali su Atacamèint
Wikizionario contiene la voce di dizionario «Atacamèint»

Colegamèint estèren

(IT) La vóś in sìm'a 'l vocabolàri Treccani.
(IT) D'indû a deśvìn al só nòm in sìm'a etimo.it.

[1] (IT) Psicologia, psicopatologia, psichiatria - Tra tecnica, assistenza ed etica, ed Gian Paolo Guaraldi, 2018, paǵ 55, Milàṅ.

[1]