C'l artìcul chè 'l è scrit in Miranduléś Emiliàn

Apocalypse Pompeii

Assen Vukushev in na figùra dal film
L'apucalìs ad Pumpèi
2014
Regìa: Ben Demaree
Scritōr: Steve Bevilacqua
Jacob Cooney • Bill Hanstock
Atōr: Adrian PaulJhey CastlesVrunda Patel
Georgina BeedleAssen VukushevDan Cade
John Rhys-DaviesDylan VoxYordam Yositov
Müsica: Joseph Metcalfe
Léngua: Ingléś
Dürä dal film: 87 minüt
Nasiōṅ: Stat Unî


«
Véd Nàpuli e pò mōr!»
(Tagline dal film)


Apocalypse Pompeii (L'apucalìs ad Pumpèi) 'l è 'n film catastròfic dal 2014 ad Ben Demaree, mockbuster dla pelìcula Pompei ad Paul W. S. Anderson.

'L è stâ girâ a Pumpèi e a Sòfia e 'l è vgnû fóra diretamènt p'r al marcâ d'l home video.

Sunt

Jeff Pierce (Adrian Paul), èx mémbar dal cumànd Special Ops, 'l è a Nàpuli par lavōr insém a sò mujēr Lynne (Jhey Castles) e a sò fiōla Mikaela (Georgina Beedle), esénd ch'al gh'à da dascórar ad quistiòṅ ad sicurésa c'n al sgnōr Rosso (Yordam Yositov).

Al dū dóni i decìd'n alóra ad far na gita a Pumpèi ch'l è lè davśèṅ par véd'r al ruìni di rumàṅ antìg. I ciàp'n acsè un bus turìstic insém a di àtar furastēr: Kal (Dylan Vox), ch'al gh'à un blog in du 'l carga tut al fóto di sò viàś, e 'l còpi 'd muróś Naveen (Assen Vukushev) cun la Rashida (Alexandra Petrova-Emisti) e Paul (Jonas Talkington) cun la Christine (Vrunda Patel). A scarusàr-i a gh pénsa la guìda itagliàna Gianni (Constantine Trendafilov).

Śmuntâ śò da la curéra, la tèra la taca a tarmàr a 'l impruvìś par via dal taramòt, pò 'l vulcàṅ Veśùvi al s déśda cuma dumìla an prima. Jutâ par soquànt sò culéga dal misiòṅ militàri in gir p'r al mónd, Cade (Dan Cade), al culunèl Carlo Dillard (John Rhys-Davies), l’Alita (Ralitsa Paskaleva) e Herricane (Mike Straub), Jeff al partìs p'r andàr a salvàr la sò famìja rubànd 'n elicòtar da na baś dla NATO.

Culegamènt estéran