Antibody (film)
|
C'l artìcul chè 'l è scrit in
Miranduléś |
 Antibody
| ||
.png) La Duhovnikova e Pauls in na figùra dal film | ||
| Anticòrp 2002 | ||
|---|---|---|
| Regìa: Christian McIntire | ||
| Scritōr: Michael Johnston | ||
| Atōr: Lance Henriksen • Teodora Duhovnikova Robin Givens • Gastón Pauls • William Zabka Velizar Binev • Kathleen Randazzo • Julian Vergov | ||
| Müsica: Scott Clausen | ||
| Léngua: Ingléś • Tedésc | ||
| Dürä dal film: 90 minüt | ||
| Nasiōṅ: Stat Unî | ||
Antibody (Anticòrp) l è 'n film fantàstic e 'd asiòṅ dal 2002 ad Christian McIntire.
'L è stâ girâ in Bulgarìa c'n un budget stimâ 'd tri migliòṅ e mèś ad dòlar.
Sunt
'L agìnt speciàł americàṅ Richard Gaynes (Lance Henriksen) 'l è specialiśâ in dal diśinescàr al bómbi ma 'l n pōl far gnint quànd a salta p'r ària 'l cunsulâ rus a Washington ad òpra dal terurìsta Sergei Dolski (Val Constance), cupâ pò da la pulisìa a 'l aeropòrt.
'N an dòp Richard al gh'à da lauràr, insém a 'l sò culéga tedésc Otto Emmerich (William Zabka), a la sicurésa 'd 'n evènt a Mònag 'd Bavéra in du 'l canselēr Rolf Braun (Angelo George) al gh'à da cunsgnàr un prèmi a 'l siensiâ Theodore Bickell (Velizar Binev), Prèmi Nobel p'r i sò studi su 'l nanutecnulugìi. Durànt al sò dascōrs a gh'è 'n atintâ terurìstic 'd 'n urganiśasiòṅ cmandàda p'r al culumbiàṅ Anthony Anundas Moran (Julian Vergov) d'l “eśèrcit 'd liberasiòṅ dal pòpul”. Chi lōr i vōlan far scupiàr na bómba nucleàra in sità e 'l detunadōr 'l è mis in un chip ch'al s cata in dal còrp 'd Moran, alimentâ da la curènt lètrica dal sò urganìśum. S'a gh sucéd quèl, la bómba la scòpia.
Otto 'l órdna un blitz par ciapàr viṿ al terurìsta e 'l dutōr Bickell, insém a Gaynes, al pòrta 'l còrp frî ad Moran in dal sò laburatòri. Chè al dutōr al preśénta la biòluga muleculàra Rachel Saverini (Robin Givens) a 'l agìnt dgénd-ag che la dóna l'à prugetâ 'n aparéć ciamâ Helex ch'al pōl giràr a 'l intéran di vaś dal sànguv dal còrp umàṅ druànd un machinàri ch'l è bòṅ ad far dvintàr pìcui śavài e parsòni. Dòp na prucedùra dita 'd “daspiuciamènt”, in du i vìn'n eliminâ i parasìta, la Saverini, Richard e dū culaburadōr dla siensiàda, la Natalia Trechak (Teodora Duhovnikova) e Julio Pacio (Gastón Pauls), i èṅ prònt a insfilsàr-'s in dal véni dal terurìsta c'n al veìcul p'r andàr a catàr la bómba.
La misiòṅ l'è dimóndi a risć anc par via di atàc di glóbui biànc e dal céluli dal càncar, ma n gh'è àtar da far par salvàr la vita a migliòṅ ad parsòni. In cal méntar la fiōla 'd Richard, l’Amanda (Stella Ivanova), la decìd ad tōr 'n aparéć p'r andàr a catàr sò pàd'r in Germàgna.