Alba Parietti
|
C'l artìcul chè 'l è scrit in
Miranduléś |
.JPG)
L’Alba Antonella Parietti (Turèṅ, 2 ad Luj dal 1961), cgnusùda méj cuma Alba Parietti, l'è na showgirl, na cundutōra televiśìva, na cantànta, n'atōra e n'upiniunìsta piemuntéśa sèx symbol di an Nuànta e Dumìla. Al crìtic Oreste Del Buono al l'à batśàda c'n al scutmàj ad “La Madóna di camiunìsta” [1].
Biugrafìa
Fiōla 'd un partigiàṅ cumunìsta, la Parietti la taca a lauràr in di an Utànta in soquànti televiśiòṅ piemuntéśi e pò anc in prugràma dla Mediaset cuma Ok, il prezzo è giusto! e W le donne. In chi an lè l'éra spuśàda cun Franco Oppini di I Gatti di Vicolo Miracoli e l'à fat anc vgnir fóra soquànt sìngui dance cuma Only Music Survives e Look into My Eyes. A 'l cìnema la lavóra in soquànti cumèdi cuma Sapore di mare e Se tutto va bene siamo rovinati ma sèmpar cun di rōi dimóndi cic.
In dal 1987 la tōś part a 'l prugràma 'd Enzo Tortora Giallo faghénd la part dla Mystiria ma 'l sucès par lē al riva dabòṅ in dal 1990 quànd la preśènta Galagol su Telemontecarlo. In séguit la pasa a Raitre in du la canta e la bala in dal prugràma La Piscina.
A 'l cìnema la tōś part a Abbronzatissimi (1991) e Saint Tropez - Saint Tropez méntar la diś ad nò a Tinto Brass ch'al la vliva in Così fan tutte. In dal 1992 l'è una dal valéti 'd Pippo Baudo a 'l Fèstival ad Sanremo, pò la pasa a Domenica In, prugràma fat insém a Toto Cutugno.
In d'l Invèran dal 1994 l'è la prima dóna a figuràr in Striscia la notizia e la 'l fà insém a Maurizio Ferrini ch'al fava la sgnōra Emma Coriandoli. In dal 1997 la pasa a Raidue in dua la lavóra insém a Gianni Boncompagni in Macao. In dal 1998 l'è la prutagunìsta dla pelìcula scàndal Il macellaio in dua la magna dimóndi bistéchi e dal yougurt insém a 'l sò maslàr, Miki Manojlović.
In di an Dumìla la pasa a dir la sua in soquànt prugràma in du a gh'éra biśógn 'd upiniunìsta cuma La Fattoria (2004), Domenica in... L'arena (2006/2008) e La pupa e il secchione (2010).
Filmugrafìa
- 1981 - Miracoloni, regìa ad Francesco Massaro
- 1982 - Italian Boys, regìa 'd Umberto Smaila
- 1982 - Sapore di mare, regìa ad Carlo Vanzina
- 1983 - Se tutto va bene siamo rovinati, regìa ad Francesco Massaro
- 1988 - Bye bye baby, regìa 'd Enrico Oldoini
- 1991 - Abbronzatissimi, regìa ad Bruno Gaburro
- 1992 - Saint Tropez - Saint Tropez, regìa ad Castellano e Pipolo
- 1998 - Il macellaio, regìa 'd Aurelio Grimaldi
- 1998 - Paparazzi, regìa ad Neri Parenti
- 2016 - Odiosa Juve, regìa ad Lorenzo Minoli
Culegamènt estéran
Nòti
- ↑ Alba Parietti: “Sinìstra śnòb e ciśaróla. E pinsàr ch'adès la guèrna cun Berlusconi” Il Fatto Quotidiano, 9 ad Nuvémbar dal 2014
Àtar prugèt
Wikiquote contiene citazioni di o su Alba Parietti
Wikimedia Commons contiene file multimediali su Alba Parietti
