Adolescente delle caverne (film 2002)

C'l artìcul chè 'l è scrit in Miranduléś Emiliàn

Teenage Caveman
Adolescente delle caverne

Stephen Jasso in na figùra dal film
Ragasōl dal spelónchi
2002
Regìa: Larry Clark
Scritōr: Christos N. Gage
Atōr: Andrew KeeganTara SubkoffPaul Hipp
Richard HillmanShan ElliotHayley Keenan
Stephen JassoTiffany LimosDavid Stifel
Müsica: Zoë Poledouris
Léngua: Ingléś
Dürä dal film: 86 minüt
Nasiōṅ: Stat Unî


«
Al futûr al n è minga ròśi e fiōr.»
(Tagline dal film)


Adolescente delle caverne (Ragasōl dal spelónchi) 'l è 'n film ad scarésa par la televiśiòṅ dal 2002 ad Larry Clark.

La pelìcula la fà part 'd un prugèt dla Cinemax dal 2002 ciamâ “Creature Features” (batśâ “Al criatùri dal śgriśōr” in Itàglia) ch'la cumprindìva anc àtar quàtar lavōr: Lei, la creatura (She Creature), Il giorno in cui il mondo finì (The Day the World Ended), Il mostro oltre lo schermo (How to Make a Monster) e La vendetta del ragno nero (Earth vs. the Spider).

Sunt

In un futûr in du la Tèra l'è turnàda a l'età dla préda par via dl'òpra sénsa critéri dal gèn'r umàṅ, un grup ad parsòni la viṿ cuma i óm primitìṿ a 'l intér'n ad spelónchi andànd a casa par magnàr. Durànt na batùda 'd qvisti chè, al śōvan Vincent (Stephen Jasso) al cópa 'l più grand Nathaniel (Larry Clark) parchè al gh fava sèmpar di predicòs.

Al grup 'l è cmandâ p'r un fanàtig religióś, al siamàṅ (Paul Hipp), ch'al diś che tut al daśgràsi ch'i aṅ patî i lōr vèć i s li èṅ meritàdi p'r ès'r-as śluntanâ da Dio. Adès che la sò dóna l'è mòrta, al santòṅ al decìd ad métar-'s insém a na ragàsa ciamàda Sarah (Tara Subkoff) ma sò fiōl David (Andrew Keegan) al n è minga tant 'd acòrd parchè al vrév che lē la dvintìs la sò muróśa inóltar chi lò al sà che sò pàdar 'l è 'n purcùs patintâ parchè al custrìnś al śōvni dal grup, cuma l’Elizabeth (Crystal Celeste Grant), a far sès sèg in dal nóm dal Nòstar Sgnōr. Par diféndar la Sarah da 'l sò maṅ, al ragàs 'l insfìlsa na cróś in d'l òć dal genitōr, masànd-al.

Par salvàr-al da la péna 'd mòrt, i sò amìg i scàpan via sèg e i rìv'n a 'l ruìni dna sità di antìg in du i cgnósan Neil (Richard Hillman) e la Judith (Tiffany Limos). I dū i śibìs'n a Joshua (Shan Elliot), a l’Heather (Hayley Keenan) e a tut chi àt'r ad far al bagn nûd insém, pò i gh dànan di vistî nóṿ da mét'r-as e anc dla dròga da pruàr. La giurnàda la finìs a gusàdi a part David e la Sarah ch'i s tìr'n indrē.

Neil e la Judith i èṅ dū mutànt, vèć ch'i gh'aṅ da piò ad sènt an, che faghénd sès i aṅ traśmìs un vìrus, frut dl'inśgnerìa genética, a chi àtar ragàs. La prima a parìt-'n al cunseguénsi l'è l’Elizabeth ch'i gh sàltan p'r ària tut al budèli.

Culegamènt estéran