2:22 - Il destino è già scritto
|
C'l artìcul chè 'l è scrit in
Miranduléś |
 2:22
| ||
| 2:22 - Il destino è già scritto | ||
 La Teresa Palmer in na figùra dal film | ||
| 2:22 - Al destîṅ 'l è scrit bèla 2017 | ||
|---|---|---|
| Regìa: Paul Currie | ||
| Scritōr: Todd Stein • Nathan Parker | ||
| Atōr: Michiel Huisman • Teresa Palmer Sam Reid • Kerry Armstrong • Maeve Dermody John Waters • Richard Davies • Mitchell Butel | ||
| Müsica: Lisa Gerrard • James Orr | ||
| Léngua: Ingléś | ||
| Dürä dal film: 98 minüt | ||
| Nasiōṅ: Stat Unî • Austràglia | ||
2:22 - Il destino è già scritto (2:22 - Al destîṅ 'l è scrit bèla) 'l è 'n thriller fantàstic americàṅ e austragliàṅ dal 2017 ad Paul Currie.
In di cìnema 'l à fat sù dagnóra quàtar migliòṅ ad dòlar.
Sunt
Dylan Branson (Michiel Huisman) 'l è śōvan spurtìṿ e cuntrulōr ad vōl. Un dè in aeropòrt chi lò al gh'à na visiòṅ 'd un fat sucès a la stasiòṅ di trêṅ ad New York a dū óri e vint-a-dū dòpmèśdè. Cal cōlp lè ad bechìśia al mét in a risć dū aparéć che par pôc i s ciàp'n incòst. 'L óm al vîṅ acsè suspéś da 'l servìsi.
Prufitànd dal tèmp lìbar ch'al gh'à adès, Dylan al và na sira a teàtar par véd'r un balét e lè al cgnós na ragàsa ciamàda Sarah Barton (Teresa Palmer). I dū i tàcan na relasiòṅ e 'l óm al vîṅ a savēr ch'la ragàsa, nada 'l sò stés dè, la lavóra in na galerìa 'd art insém a 'l sò èx muróś Jonas Edman (Sam Reid) e ch'la s catàva su òṅ di dū aparéć che lò 'l iva pèrs ad vista par distrasiòṅ.
Dylan al cuntìnua a 'vēr sèmpar la stésa viśiòṅ dla stasiòṅ in dua 'n óm 'l iva sparâ a na dóna masànd-la, inólt'r al fà a mènt che tut i dè i gh sucédan sèmpar di fat cumpàgn, a 'l stési óri, cuma védar 'n insèt spaplâ o na gósa 'd àqua vgnir śò da 'n cēl sénsa nuvli. Un dè, mént'r al fà ginàstica in cà, al véd un pachét minga suo in élt su 'n arpiàṅ. Vrénd-al, al gh cata dal létri d'l óm ch'al stava in dal sò apartamènt trént'an prima 'd lò, un sèrt Jake Redman (Duncan Ragg). A s trata 'd létri 'd amōr a la sò muróśa, n'atōra ciamàda Evelyn Mills (Jessica Clarke). Dylan al decìd 'd andàr-'g a fónd. Rivâ a la cà d'l indirìs, a gh vèra la surèla dl′Evelyn, la Catherine (Kerry Armstrong), ch'la gh diś ch'i dū amànt i èṅ mòrt tut dū a la stasiòṅ ad New York.