2012: Doomsday
|
C'l artìcul chè 'l è scrit in
Miranduléś |
 2012: Doomsday
| ||
 Joshua Lee in na figùra dal film | ||
| 2012: Al dè dal giudìsi 2008 | ||
|---|---|---|
| Regìa: Nick Everhart | ||
| Scritōr: Nick Everhart • Naomi L. Selfman | ||
| Atōr: Cliff De Young • Joshua Lee • Sara Tomko Dale Midkiff • Ami Dolenz • Caroline Amiguet Danae Nason • Shirley Raun • Mark Hengst | ||
| Müsica: Ralph Rieckermann | ||
| Léngua: Ingléś • Spagnōl | ||
| Dürä dal film: 85 minüt | ||
| Nasiōṅ: Stat Unî | ||
2012: Doomsday (2012: Al dè dal giudìsi) 'l è 'n film catastròfic dal 2008 ad Nick Everhart, giâ tut in Belìze c'n un budget stimâ ad duśènt-sinquantamìla dòlar.
'L è vgnû fóra diretamènt p'r al marcâ d'l home video.
Sunt
In d'l an 2012 al mónd al patìs di evènt catastròfic dapartùt, cum i ìvan bèla dit a sò tèmp i maya: taramòt, fréd da birichèṅ, aluviòṅ, grandinàdi e timpèsti. I luminàri americàṅ dal Geological Survey ad Baltimòra, cmandâ par Lloyd (Cliff De Young), i èṅ parsuàś ch'la Tèra la s sia misa a prilàr piàṅ pianèṅ par via 'd un buś négar a 'l sèntar dla galàsia: a gh'è 'l risć ch'la s férma dabòṅ dand inìsi a l'Apucalìs.
Lloyd l'è in pinsēr par sò fiōla Sarah (Danae Nason) ch'la fà la misiunària in Mèsic e 'l decìd ad vulàr da lē. Da 'l cant suo la dóna, insém a 'n ragàs cgnusû par strada, Alex (Joshua Lee), la próa a jutàr gl'abitànt 'd un vilàǵ in dla furèsta. Lè la cata la Wakanna (Sara Tomko) ch'la gh'à 'd avēr fiōl.
In cal méntar 'l archeòlug Frank Richards (Dale Midkiff), insém a sò mujēr, la Trish Lane (Caroline Amiguet), al cata na crōś antìga in di scâṿ a Orizaba. Par farmàr i diśàstar naturài, 'l óm al và in dal témpi maya 'd Chichén Itzá insém a la dutōra Susan Reed (Ami Dolenz). A riva anc Lloyd cun sò fiōla e la Wakanna ch'l'è lè lè par parturìr.