Śōg di cuercìn

 Carpśàn

C'l artìcol chè 'l è scrit in Carpśàn

Na mùcia 'd cuercîn tùt insèm.

I Śōg di cuercîn i éren di śōg ch'a gh'piaśìva fèr ai ragasō apèina finìda l'ùltma guèra che in di fât ed cuercìn, a s in catèva stremnê in gîr, che la ginta la tachèva, anca in di bar, a bèver dal butiglièti pròpia in cal mèinter.
Dòp 'd avér-en tòlt sù na colesiòun, i ragasō i psìven fèr-es la guèra a crìc ai cuercîn adòs a quī 'd chi èter, che quand a s in fùs 'masê' tùt i suldê, la batàja l'era vinta. A se psìva pò anca śughèr a 'l 'sircùit' da ciclìsta o da pilóta, che i più rafinê i stèv'n a inculèr-'gh in sìma la ghìgna stampèda dal campiòun preferî, a 'l só cuercìn.
Al vinsidōr al psiva pò gnìr decorê cun na mdàja ricavèda da 'n cuercìn 'piatî, schisènd-el piât e tònd cun un giaròun.

Citasiòun

«

...per dare bene il cricco dovevi metterti quasi sdraiato per terra, in chinino non bastava neanche, le ginocchia ben piantate nella smalta o nella polvere, la mano sinistra salda e larga appoggiata al suolo, il braccio destro che nella spinta inevitabilmente strisciava per metri di marciapiede.»

(IT)(Vacca d'un cane, Francesco Guccini, Milàṅ, 1993)

«

...per dèr bèin al crìc 't et duìv mèter quèśi śachê per tèra, che in chinòun a nn'era gnanc abàsta, i śnóć bèin piantê in dla śmèlta o in dla pólvra, la màṅ mansèina fisèda e lèrga pugèda in dal pavimèint, al brâs ed drìta che in dal cucèr, a gh'tuchèva stremnèr-es per di mét'r ed marsapē.»

(MUD)

Vóś lighèdi

• śōg
• śōg ed ragasōl
• śōg a l'aria 'vèrta

Colegamèint estèren

• (IT) La spiegasiòun di śōg coi cuercîn in dal sît ciclotappo.it.

Referèinsi