Méter

C'l artìcol chè 'l è scrit in Carpśàn

Dj campiòun dal mēter j s' catèven atàc aj mùr dj Palàs Comuné per a 'nn avér dj dùbi

Al meter (sìmbol: m ch'a s cata anca scrìt, mo sbàgliê, c'ma mt) 'l è l'unitê più importànta dal SI (Sistéma internasiunêl 'd unitê 'd amśùra) dla lunghèsa.

In dal prinsìpi, al gnìva calcolê c'ma 1/10 000 000 dal meridiàṅ dla Tèra tra 'l Pôl nòrd e l'equatōr, in fin tant che, in dal 1983, a Parì, in dla 17ª Conférence générale des poids et mesures (Cunferèinsa Generêl di Pēś e Mśùri), al gnìva definì acsè:

Un meter l' è definî c'ma la distànsa ch'la percòr la lûś in dal vōd ind un spàsi ed tèimp uguêl a 1/299 792 458 ed secònd.

A in seguìs che la velocitê dla lûś in dal vōd la mśûra 299 792 458 m/s.

Dèintr'un meter a gh'è 1.000 milìmeter; 1.000 mēter i faṅ 1 kilòmeter.