Apri il menu principale

C'l artìcul chè 'l è scrit in Miranduléś Emiliàn

Video-x-generic.svg Watchmen
Watchmen
Watchmen.png
La Åkerman e Billy Crudup in na figùra dal film
I Guardiàṅ
2009
Regia: Zack Snyder
Scritùr: Alan Moore • Dave Gibbons
David Hayter • Alex Tse
Atùr: Billy CrudupPatrick WilsonCarla Gugino
Jackie Earle HaleyRob LaBelleMalin Åkerman
Jeffrey Dean MorganMatt FrewerJohn Shaw
Matthew GoodeStephen McHattieRon Fassler
Müsica: Tyler Bates
Lengua: Ingléś
Dürä dal film: 162 minüt
Nasiòṅ: Stat Unî


«
Chi è ch'a s salvarà adès?»
(Tagline dal film)


Watchmen (I Guardiàṅ) l è 'n film fantàstic dal 2009 ad Zack Snyder ch'al tōś ispirasiòṅ da 'l fumét creâ p'r Alan Moore e par Dave Gibbons. Par via dal séni viulénti e impinìdi ad sès al film al n è minga adàt p'r i putèṅ e p'r i ragàs tant ch'un cìnema ad Poggibonsi al s è bcâ na denùnsia da 'n pàdar ch'l iva purtâ sèg sò fiōl 'd ùnd'ś an sénsa che lōr i gh dgìsan che l'òpra l'éra pruibìda p'r i minōr ad quatórd'ś an[1].

Custâ sènt-trénta migliòṅ ad dòlar, al film al 'n à pò catâ sù da piò ad sènt-utantasìnc. La culòna sunóra dal film l'è òpra ad Tyler Bates, cun anc un braṅ ad Nat King Cole, ad Jimi Hendrix, ad Bob Dylan e àt'r incóra.

Sunt

Dòp ch'in di an Trénta al guèr'n americàṅ 'l iva mis in pē un grup ad supereróe mascrâ ciamâ “Minutemen”, in dal dòp-guèra l'è la vòlta di “Watchmen”: Al Còmig (Jeffrey Dean Morgan), Spìrit ad Séda II (Malin Åkerman), al Dutōr Manhattan (Billy Crudup), Ozymandias (Matthew Goode), Grandòć Nutùran II (Stephen McHattie) e Rorschach (Jackie Earle Haley). Ma dòp ch'al Dutōr Manhattan 'l à jutâ i Stat Unî in dla guèra dal Vietnam e al grup al sò paéś in dla guèra fréda cun l'Ugnòṅ Suviètica, la gint la n in pōl piò ad chi vigilantes lè e al grup 'l è custrét a dasfàr-as anc s'al Dutōr Manhattan e Al Còmig i cuntìnuan a lauràr in na quàlc manéra p'r al guèran méntar 'l arvèrs Rorschach al fà paṅ par sò cònt.

Un dè qualchidòṅ al masa in cà sua Al Còmig e al grup al s mét incóra insém par catàr al sasèṅ.

Culegamènt estéran

Nòti