Vuoi sapere un segreto?
|
C'l artìcul chè 'l è scrit in
Miranduléś |
 Do You Wanna Know a Secret?
| ||
| Vuoi sapere un segreto? | ||
 Joey Lawrence e la Barton in na figùra dal film | ||
| Vō't savēr un segrét? 2001 | ||
|---|---|---|
| Regìa: Thomas Bradford | ||
| Scritōr: Kermit Christman • Del Tenney | ||
| Atōr: Dorie Barton • Joey Lawrence • Chad Allen Elsie Escobar • Leonora Scelfo • Jeff Conaway Thomas Anthony Jones • Margot Hartman James Mapes • Jack McGee • Robert Crooks Greg Cipes • Britton Purvis • Victoria Bass | ||
| Müsica: Jeff Eden Fair • Starr Parodi | ||
| Léngua: Ingléś | ||
| Dürä dal film: 94 minüt | ||
| Nasiōṅ: Stat Unî | ||
Vuoi sapere un segreto? (Vō't savēr un segrét?) 'l è 'n film ad scarésa americàṅ dal 2001 ad Thomas Bradford.
Sunt
Un studènt masć 'd un college americàṅ dimóndi impurtànt par gint cun di bèsi (Michael Sarysz) al ricév da sóta 'l us un bijitèṅ cun scrit insìma „vō't savēr un segrét?“. Cardénd ch'al sia stâ scrit par la sò muróśa, la Beth (Dorie Barton), al và subìt a pascàr-la in dal cambri dal sò durmitòri ma invéci ad lē al cata 'n sasèṅ cun na tùnica e na mascra adòs ch'l al masa.
'N an dòp la Beth la próa a 'rfàr-as na vita andànd in vacànsa in Flòrida insém a 'l sò muróś nóṿ, Hank (Joey Lawrence), e a di àt'r amìg, Oz (Thomas Anthony Jones), la Tina (Leonora Scelfo), la Nellie (Elsie Escobar) e Brad (Chad Allen). Qvést chè al vrév mét'r al maṅ adòs a la Beth ma lì lē la 'l para via subìt dgénd-ag ch'i èṅ sōl di amìg. Cla nòt lè Brad al và a far un gir in barca e al sparìs. La sò camìśa insagvinàda la vèṅ catàda in mâr mént'r in dal sò computer impiâ a gh'è scrit la fraś „vō't savēr un segrét?“.
In séguit, dòp na nòt pasàda in discutéca, un ragàs ch'l iva pruâ a far tōr a la Beth dla dròga par pò ciulàr-la sénsa prubléma (Andrew Raffelson), al vèṅ cupâ da 'l killer cun la tùnica che pò al gh scriv c'n un curtèl „vō't savēr un segrét?“ in sla schina. A riva lè 'l agìnt d'l FBI Owen Sacker (Jeff Conaway) ch'al diś a i ragàs 'd a n lasàr minga la vila parchè i èṅ tut indagâ. Al dè dòp, méntar Hank e la Beth i s divertìsan sóta la dócia, al manìac al s fà viṿ incóra, tirànd na śbutigliàda in cô a Oz, par far-ag pèrd'r i sèns, e pò tajànd la góla a cal spurcaciòni dla Nellie e dla Tina. Prima 'd andàr via, lò al fà sparìr i cadàvar. La pulisìa la pòrta in parśòṅ Oz cardénd ch'a sia stâ lò.