Volcano
|
C'l artìcul chè 'l è scrit in
Miranduléś |
 Nature Unleashed: Volcano
| ||
| Volcano | ||
.png) L'Antonella Elia in na figùra dal film | ||
| Vulcàṅ 2015 | ||
|---|---|---|
| Regìa: Mark Roper | ||
| Scritōr: Darryl Anka • Tom Boyle J.P. Epstein • Tiffany Lebel | ||
| Atōr: Chris William Martin • Sara Malakul Lane Antonella Elia • Marnie Alton • Joseph Beattie | ||
| Müsica: Jacqueline Loran | ||
| Léngua: Ingléś | ||
| Dürä dal film: 90 minüt | ||
| Nasiōṅ: Cànada • Bulgarìa • Régn Unî | ||
Volcano (Vulcàṅ) 'l è 'n film catastròfic dal 2015 ad Mark Roper, vgnû fóra diretamènt p'r al marcâ d'l home video.
Sunt
'L americàṅ Russell Woods (Chris William Martin), insém a sò mujēr uriginària dl'Itàglia Donatella Silvano (Marnie Alton), 'l è in Sud-Amèrica par far un servìsi fóto-gràfic 'd un vulcàṅ ch'al s è daśdâ. Par vśinàr-as da piò, al s fà scarusàr là diretamènt in elicòtar par Pedro (Andrey Slabakov) ma tut 'd un trat al vulcàṅ al gh'à n'erusiòṅ spavintóśa ch'la culpìs al vilàǵ lè darènt. La Donatella la finìs in na sfésa ch'la s è vèrta in sla tèra e la mōr bruśàda da 'l màgma.
Soquànti stmani dòp Russell al decìd 'd andàr a véd'r i pòst in du l'è carsùda sò mujēr, un paiśèṅ in Tuscàna ciamâ Sant Andréa. Rivâ là al cgnós la mistra Silvia (Antonella Elia) e 'l futógrafar Antonio (Joseph Beattie) ch'al gh diś ch'in dla cà di Silvano, dòp ch'i èṅ andâ a star in di Stat Unî, adès a gh viṿ na ragasōla ciamàda Angela (Sara Malakul Lane) ch'a sò dita l'è mata. 'L americàṅ, ch'al vrév védar dal fóto dla Donatella a i tèmp dla scōla, al decìd 'd andàr da pàdar Minghét (Philip Dunbar) par dar 'n òć a i regìstar, ch'adès la Céśa catòlica la ghì'à in maṅ tut lē.