Valentine - Appuntamento con la morte
|
C'l artìcul chè 'l è scrit in
Miranduléś |
 Valentine
| ||
| Valentine - Appuntamento con la morte | ||
 La Denise Richards in na figùra dal film | ||
| Valintèṅ - Apuntamènt cun la mòrt 2001 | ||
|---|---|---|
| Regìa: Jamie Blanks | ||
| Scritōr: Gretchen J. Berg • Aaron Harberts Tom Savage • Donna Powers • Wayne Powers | ||
| Atōr: David Boreanaz • Adam J. Harrington Denise Richards • Benita Ha • Marley Shelton Jessica Capshaw • Katherine Heigl • Ty Olsson Hedy Burress • Jessica Cauffiel • Fulvio Cecere Daniel Cosgrove • Johnny Whitworth • Benita Ha | ||
| Müsica: Don Davis | ||
| Léngua: Ingléś | ||
| Dürä dal film: 94 minüt | ||
| Nasiōṅ: Stat Unî | ||
Valentine - Appuntamento con la morte (Valintèṅ - Apuntamènt cun la mòrt) 'l è 'n film thriller dal 2001 ad Jamie Blanks trat da 'n rumànś ad Tom Savage, Valentine. Custâ déś migliòṅ ad dòlar, al 'n à pò purtâ a cà da piò ad trénta-siē.
In dal film i s càtan soquànt pès hard rock cuma Valentine's Day ad Marilyn Manson, Superbeast ad Rob Zombie, RX Queen di Deftones e Pushing Me Away di Linkin Park.
Sunt
Durànt la fèsta 'd San Valintèṅ la Shelley Fisher (Katherine Heigl), dòp avér snâ c'n al sò muróś Jason (Adam Harrington), la pasa da 'l ubitòri par far di autupsìi ch'la gh'à da far 'n eśàm a l'università 'l dè dòp. Lè lì lē la cata 'n maniàc cun na mascra 'd Cupîd adòs ch'al gh taja la góla.
Gl'amìghi dla vitma, la Paige Prescott (Denise Richards), la Lily Voight (Jessica Cauffiel), la Kate Davies (Marley Shelton) e la Dorothy Wheeler (Jessica Capshaw), i s càt'n a 'l sò funeràł e i dascóran c'n al detective Leon Vaughn (Fulvio Cecere) ch'al pòrta avànti gl'indàśin. Cla sira lè la Lily e Paige i càtan da drē da 'l us dal sò apartamènt na scatla 'd ciuculatèṅ ma quànd i próan a magnàr-i i védan ch'i gh'aṅ dèntar di bēg. Al bijét dal rigàl 'l è firmâ JM e a 'l dū ragàsi a gh vîṅ in mènt un sò vèć cumpàgn ad scōla, Jeremy Melton (Joel Palmer), che tuti lōr i ìvan tòlt in gir durànt la fèsta di inamurâ 'd tréd'ś an prima. In séguit la Kate, dòp avér litgâ c'n al sò muróś Adam Carr (David Boreanaz), da spés imbariàg, e ès'r-as fata na dócia, la cata la mascra 'd Cupîd darènt a 'l asinsōr.
Al sasèṅ al tórna a cupàr una dòp cl'atra al mémbri dal grup di amìghi, prima la Lily e pò la Ruthie. Durànt i masamènt al pèrd dal sangṿ da 'l naś.