Under Suspicion (film 2000)

C'l artìcul chè 'l è scrit in Miranduléś Emiliàn

Under Suspicion

Thomas Jane e la Bellucci in na figùra dal film
Sóta suspèt
2000
Regìa: Stephen Hopkins
Scritōr: W. Peter Iliff • Claude Miller • Tom Provost
John Wainwright • Michel Audiard • Jean Herman
Atōr: Morgan FreemanGene Hackman
Monica BellucciThomas JanePablo Cunqueiro
Nydia CaroMiguel Ángel SuárezLuis Caballero
Müsica: BT
Léngua: IngléśSpagnōlItagliàṅ
Dürä dal film: 110 minüt
Nasiōṅ: Stat UnîFrància


«
Tut nuàt'r a gh'ém di segrét. Soquànt i èṅ di crìmin.»
(Tagline dal film)


Under Suspicion (Sóta suspèt) 'l è 'n thriller dramàtic americàṅ e francéś dal 2000 ad Stephen Hopkins trat da 'n rumànś ad John Wainwright bèla purtâ a 'l cìnema in dal 1981 cun Guardato a vista ad Claude Miller.

La pelìcula, preśentàda a 'l 53śum Fèstival ad Cannes, l'è custàda vint-sinc migliòṅ ad dòlar ma la n è mia stada bòna 'd far-an sù gnanc òṅ e mèś.

Sunt

A San Juan, durànt i festegiamènt ad carnevàł, la pulisìa la cata i còrp ad dū putìni viulentàdi e pò strusàdi, la Paulina (Gelian Cotto) lugàda in mèś a la masa e la Sue Ellen (Vanessa Shenk) in un parc. Esénd ch'al manìac 'l à druâ 'n guldòṅ p'r a n lasàr minga trasi 'd śbòra, al capitàṅ Victor Benezet (Morgan Freeman) e 'l detective Felix Owens (Thomas Jane) i n gh'aṅ mia dal próvi da inciuldàr ma i férman listés 'n avucàt famóś cardénd-al culpévul, Henry Hearst (Gene Hackman).

Chi lò a pâr pròpria ch'al gh sia insaplâ dènt'r in fiṅ a 'l còl, specialmènt dòp che sò mujēr più śōvna, la Chantal (Monica Bellucci), l'à cunfermâ sóta interugatòri ch'a sò marè i gh piàś'n al ragasōli dimóndi śōvni, cuma sò anvōda Camille (Isabel Algaze).

Culegamènt estéran