Un gatto nel cervello
|
C'l artìcul chè 'l è scrit in
Miranduléś |
 Un gatto nel cervello
| ||
 Lucio Fulci in na figùra dal film | ||
| Un gat in dal sarvèl 1990 | ||
|---|---|---|
| Regìa: Lucio Fulci | ||
| Scritōr: Lucio Fulci • Giovanni Simonelli | ||
| Atōr: Lucio Fulci • David L. Thompson • Paola Cozzo Shilett Angel • Jeoffrey Kennedy • Malisa Longo | ||
| Müsica: Fabio Frizzi | ||
| Léngua: Itagliàṅ | ||
| Dürä dal film: 87 minüt | ||
| Nasiōṅ: Itàglia | ||
Un gatto nel cervello (Un gat in dal sarvèl) l'è na pelìcula ad scarésa dal 1990 ad Lucio Fulci. Al film 'l è impinî ad séni ad masamènt tiràdi fóra da di atri òpri dal regìsta rumàṅ cuma Quando Alice ruppe lo specchio e Il fantasma di Sodoma e soquànti da Non avere paura della zia Marta e da Massacre ad Mario Bianchi e da Bloody Psycho ad Leandro Lucchetti.
Al tìtul, che a 'l èstar 'l è Nightmare concert, al fà riferimènt a 'l fastìdi ch'al prutagunìsta dla pelìcula al sènt in dla sò tèsta cuma s'in dal sò tésć a gh fus un gat ch'al gh gira dèntar.
Sunt
Un regìsta ad film ad scarésa, Lucio Fulci (Lucio Fulci), al taca a 'vér di arbgàt durànt al sò giurnàdi parchè a gh pâr ad védar cuma s'i fùsan di quèi véra di masamènt che lò 'l à girâ in dal sò òpri. Par saltàr-'g-an fóra al decìd 'd andàr da 'n mèdag specialiśâ, al psicòlug Egon Swharz (David L. Thompson), ch'al próa a guarìr-al faghénd-ag l'ipnóśi.
A sucéd però che dla gint la taca a murìr dabòṅ e al sasèṅ a parév èsar pròpria Lucio Fulci.