Un corpo da reato
|
C'l artìcul chè 'l è scrit in
Miranduléś |
 One Night at McCool's
| ||
| Un corpo da reato | ||
 La Liv Tyler la lava la màchina in na figùra dal film | ||
| Un còrp da reàt 2001 | ||
|---|---|---|
| Regìa: Harald Zwart | ||
| Scritōr: Stan Seidel | ||
| Atōr: Liv Tyler • Matt Dillon • John Goodman Paul Reiser • Michael Douglas • Andrew Dice Clay | ||
| Müsica: Marc Shaiman | ||
| Léngua: Ingléś • Spagnōl | ||
| Dürä dal film: 93 minüt | ||
| Nasiōṅ: Stat Unî | ||
Un corpo da reato (Un còrp da reàt) l'è na cumèdia americàna dal 2001 ad Harald Zwart.
L'è stada giràda c'n un budget ad daśdòt migliòṅ ad dòlar ma la n à minga fat cònt para parchè la 'n à pò muciâ sù tréd'ś e quàtar.
Sunt
La Jewel Valentine (Liv Tyler) l'è na bèla pèpa ch'la fà pèrdar la tèsta a tut i masć ch'i gh pàsan dintóran. Un dè la ragàsa la persuàd Randy (Matt Dillon) a rubàr in dal bar “McCool's” in du al lavóra ma 'l cólp al và mâł e la Jewel la cópa Utah (Andrew Dice Clay) par śbali. Randy 'l è custrét a tōr-as la cólpa dgénd ch'al 'l à fat par difénd'r-as da lò.
A riva lè al detective Dehling (John Goodman) ch'al buta subìt gl'òć adòs a la ragasōla inamurànd-as anc parchè lì lē la gh arcòrda dimóndi sò mujér mòrta. Al pulisiòt al cònta pò incòsa a sò fradèl Jimmy (Richard Jenkins) ch'l è anc un prēt. La Jewel la n gh 'n à mia abàsta e la vōl andàr a fargàr quèl anc a cà 'd 'n avucàt sòci ad Carl (Paul Reiser), cuśèṅ ad Randy, ma la 'l masa sénsa vlēr druànd un letōr ad CD.
Randy, finî fóra 'd cà, al decìd 'd andàr a dmandàr a 'n killer ad mistēr, al sgnōr Burmeister (Michael Douglas), ad far fóra la dóna ch'la gh'à ruinâ la vita méntar la Jewel la fà da tut par far crudàr a i sò pē prima Carl e pò Dehling.