Trae Crowder
|
C'l artìcul chè 'l è scrit in
Miranduléś |
Trae Crowder, cgnusû anc cum Al Redneck Liberàł (Celina, 8 'd Avrìl dal 1986) 'l è 'n còmig uriginàri dal Tennessee ch'l à scrit, insém a Corey Ryan Forrester e a Drew Morgan, al manifèst The Liberal Redneck Manifesto: Draggin' Dixie Outta the Dark (Al manifèst dal Còl Rós Liberàł: Tirànd fóra da 'l scûr al teròṅ) vgnû fóra anc cuma lìbar.
Crowder, ch'l è spuśâ e 'l gh'à dū fiōi pìcui, 'l è carsû in dla campàggna dal Tennessee. 'L è stâ 'l ùnic dla sò famìja bòṅ a ciapàr un Master in Business Administration a scōla.
In dal 2010 'l à tacâ la sò caréra 'd còmig faghénd dal cabaret in un club dla sità ad Knoxville. In séguit 'l à dâ vita a 'l persunàǵ dal Redneck dla sinìstra liberàla, cun 'n asènt sudìsta dimóndi ma dimóndi pēś, e i sò vìddeo su 'l YouTube i èṅ stâ vdû da di migliòṅ ad parsòni. Par via ad cal sucès chè Trae 'l à tacâ a ès'r òspit in soquànt prugràma televiśìṿ e radiufònig.