The house next door
|
C'l artìcul chè 'l è scrit in
Miranduléś |
 The House Next Door
| ||
 La Sean Young e l'A.J. Cook in na figùra dal film | ||
| La cà darènt 2002 | ||
|---|---|---|
| Regìa: Joey Travolta | ||
| Scritōr: John Benjamin Martin | ||
| Atōr: James Russo • Theresa Russell • A.J. Cook Sean Young • Frederic Forrest • Christian Pepin Jennifer Carmichael • John Benjamin Martin Kurt Evans • Patrick Gallagher • Matthew Harrison Harold Green • Darren Moore • Doreen Ferreira | ||
| Müsica: John Sereda | ||
| Léngua: Ingléś | ||
| Dürä dal film: 95 minüt | ||
| Nasiōṅ: Stat Unî | ||
The House Next Door (La cà darènt) 'l è 'n thriller americàṅ dal 2002 ad Joey Travolta.
'L è stâ girâ in Cànada a Vancouver.
Sunt
Tom (Matthew Harrison) e la Lori Peterson (A.J. Cook), dū śōvan péna spuśâ, i decìdan ad spatinàr da Chicago in un paiśèṅ ad campàggna dòp che la ragàsa l'éra stada viulentàda la nòt prima dal nòsi in un parchéǵ. Rivâ là i cgnósan i sò vśèṅ ad cà, l’Helen (Theresa Russell) e Carl Schmidt (James Russo), 'n ex militàr di marines ch'l à fat la guèra in Vietnam. Chi lōr dū, ch'i gh'aṅ dū putèṅ pìcui e ch'i pàr'n a la bòna, i śibìsan a i Peterson 'd andàr a séna da lōr na sira e pò ad tōr part a na fèsta ch'i aṅ urganiśâ in dal bar ad famìja, in dua a gh lavóra la barìsta Cindy (Jennifer Carmichael), amànta in segrét ad Carl.
Na sira, méntar Tom 'l è a Los Angeles par lavōr, a sòna a la pòrta l’Helen ch'la dmanda ajùt a la Lori parchè Carl al l'à piciàda 'd brut faghénd-ag 'n òć négar. Quànd però chi lò al riva lè par purtàr-la a cà, lē la và sèg parchè la gh vōl bèṅ incóra. Durànt la nòt la Lori la véd 'l óm ch'al scava na fòsa in dal giardèṅ ad cà e la s mét in tèsta che lò 'l àppia cupâ sò mujér anc parchè in di dè a vgnir a n s sà più gnint ad lē. Quànd a rivà a catàr-la da Seattle la sò amìga Monica (Sean Young), una ch'la gh'à 'l ciòld fis dal sès in dla tèsta, al dū dóni i decìd'n ad ciamàr al sierìf Vernon Crank (Frederic Forrest) par cuntàr-'g incòsa ma chi lò al n gh dà minga a mènt anc parchè 'l è dimóndi amìg ad Carl ch'al gh pasa anc di bèsi par s'ràr i òć su 'l cumèrs 'd alcòlic ad cuntrabànd ch'al fà p'r al sò bar. La matìna dòp a sparìs anc la Monica.