The adult version of Jekyll & Hide
|
C'l artìcul chè 'l è scrit in
Miranduléś |
 The Adult Version of Jekyll & Hide
| ||
| The Adult Version of Jekyll & Hide | ||
 La Jane Tsentas in na figùra dal film | ||
| La Versiòṅ p'r i grand ad Jekyll & Hide 1972 | ||
|---|---|---|
| Regìa: Lee Raymond | ||
| Scritōr: Robert Birch | ||
| Atōr: John Barnum • Jane Tsentas • Laurie Rose Bruce Brightman • Jude Farese • Rene Bond Linda York • Norman Fields • Linda McDowell | ||
| Müsica: William Allen Castleman • William Loose | ||
| Léngua: Ingléś | ||
| Dürä dal film: 75 minüt | ||
| Nasiōṅ: Stat Unî | ||
The adult version of Jekyll & Hide (La Versiòṅ p'r i grand ad Jekyll & Hide) 'l è 'n film e eròtic americàṅ dal 1972 ad Lee Raymond, ispirâ a 'l rumànś dal 1886 Al caś strâṅ dal dutōr Jekyll e dal sgnōr Hyde ad Robert Louis Stevenson.
Sunt
A 'l dutōr Chris Leeder (John Barnum) i gh piàśan dimóndi cal dóni tant ch'al s gusa la sò infarméra Debby (Rene Bond) in dal sò studi anc s'la muróśa la gh l'à bèla, la Cynthia (Laurie Rose). Un dè, mént'r al s cata in na librarìa, al véd in di scafài un vèć lìbar pardû dal dutōr Henry Jeckyll e 'l al vōl a tut i cóst cumpràr. Quànd al negusiànt (Norman Fields) al gh diś ad nò, lò 'l al cópa par fargàr-'g-al.
Turnâ in dal sò studi, al mèdag al próa a cupiàr i sò esperimènt faghénd un quèl da bévar che, mandâ śò, 'l al fà dvintàr un spurcaciòṅ arliâ, masadōr ad dóni dòp avér-li viulentàdi. A fòrsa 'd far-as chi biciròṅ lè al s trasfórma in na Miss Hyde (Jane Tsentas) ch'la n s fà minga di prubléma a 'ndàr a lèt cun la Debby ma anc c'n un marinàr (Bruce Brightman) cgnusû in un bar. Mént'r i fàn'n i purcùs par strada, lē la gh taja via 'l cas.
Un detective ch'al fà finta 'd èsar 'n avucàt (Jude Farese) al próa a dar-ag la casa ma a n è mia 'n quèl fàcil parchè quànd al và a cà sua al cata sèmpar na dóna, la Miss Hyde, ch'la gh diś ch'al dutōr 'l è partî.