The Miracle

C'l artìcul chè 'l è scrit in Miranduléś

Queen
The Miracle 1989

Tip 'd àlbum: Studi
Gènar: Hard Rock
Etichéta: Parlophone • Hollywood
Num'r ad braṅ: 10
Duràda: 58:40 minùt
Sìngui: I Want It All • Breakthru The Invisible Man • Scandal • The Miracle
Precedènt: A Kind of Magic
Sucesìṿ: Innuendo

«

I wake up, feel just fine, your face fills my mind, I get religion quick 'cos you're looking divine, honey you're touching something, you're touching me, I'm under your thumb under your spell, can't you see.»

(EN)(Breakthru, 1989)

«

A m darséd, a m sènt bèṅ dimóndi, la tò fàcia l'impinìs la mè mènt, a m cunvèrt subìt parchè at pâr divìna, dulcésa at sē drē a tucàr quèl, at sē drē a tucàr mè, at m à mis sóta, sóta la tò striarìa, n véd-at minga?»

(MUD)

The Miracle (Al miràcul) 'l è al tredicéś'm àlbum in studi di Queen. 'L è vgnû fóra al 22 ad Maǵ dal 1989 cavànd-'g-la a rivàr a 'l prim pòst dal clasìfichi dal Régn Unî e anc in Àustria, Germâgna, Ulànda e Śvisra. In dla Billboard invéci 'l à tucâ la puśisiòṅ vint-quàt'r a 'l màsim. In Itâglia 'l è rivâ a 'l tèrs pòst. Sinc i èṅ stâ i sìngui tirâ fóra da cal lavōr chè, qvél ch'l à muciâ più sucès ad tut chi àtar 'l è 'l prim, I Want It All (A vój incòsa), scrita par Brian May.

P'r al grup, ch'al firma par la prima vòlta tut i braṅ anc se i èṅ stâ fat da di mémbar sìngui o in còpia, 'l è stâ difìcil finìr al registrasiòṅ. Freddie, ch'in di prim siē méś d'l an 'l éra impgnâ insém a la Montserrat Caballé a purtàr a cumpimènt al sò disc da par lò, Barcelona, 'l ivâ savû da pôc 'd èsar sierupuśitìṿ méntar May al gh'iva di prubléma cun sò mujér. In tut al manéri 'l àlbum al gh l'à cavàda listés a dvintàr òṅ di più famóś dal grup, cun nóṿ migliòṅ e mèś ad còpi vindùdi a 'l incìrca.

Braṅ

"Party" - 2:24
"Khashoggi's Ship" - 2:47
"The Miracle" - 5:02
"I Want It All" - 4:40
"The Invisible Man" - 3:55
"Breakthru" - 4:07
"Rain Must Fall" - 4:20
"Scandal" - 4:42
"My Baby Does Me" - 3:22
"Was It All Worth It" - 5:45

Furmasiòun

Freddie Mercury • vóś
John Deacon • bas
Brian May • chitàra
Roger Taylor • baterìa