The Lucky Ones - Un viaggio inaspettato
|
C'l artìcul chè 'l è scrit in
Miranduléś |
 The Lucky Ones
| ||
| The Lucky Ones - Un viaggio inaspettato | ||
 La McAdams e Michael Peña in na figùra dal film | ||
| I furtunâ - Un viàś ch'a n s cardìva gnanc 2008 | ||
|---|---|---|
| Regìa: Neil Burger | ||
| Scritōr: Neil Burger • Dirk Wittenborn | ||
| Atōr: Rachel McAdams • Tim Robbins • Arden Myrin Michael Peña • Molly Hagan • Katherine LaNasa Mark L. Young • John Heard • Coburn Goss | ||
| Müsica: Rolfe Kent | ||
| Léngua: Ingléś | ||
| Dürä dal film: 115 minüt | ||
| Nasiōṅ: Stat Unî | ||
The Lucky Ones - Un viaggio inaspettato (I furtunâ - Un viàś ch'a n s cardìva gnanc) 'l è 'n film americàṅ dal 2008 ad Neil Burger ch'al 'l à anc scrit insém a Dirk Wittenborn.
Custàda quatórdas migliòṅ ad dòlar, la pelìcula la 'n à pò fat sù gnanc tarśènt-mila armagnénd in di cìnema di Stat Unî sōl na stmana. In Itàglia l'è vgnuda fóra diretamènt p'r al marcâ d'l home video.
Sunt
I śōvan TK Poole (Michael Peña) e la Colee Dunn (Rachel McAdams) e 'l più grand Fred Cheaver (Tim Robbins) i èṅ tri suldâ americàṅ ch'i cumbàt'n in Iràq ma dòp èsar stâ frî i tórn'n in di Stat Unî par na licénsa. P'r al fat ch'a gh'è stâ 'n black out a 'l aeropòrt ad New York e tut i vōl i èṅ stâ scanślâ, i tri i decìd'n ad tōr na màchina a nuléǵ par turnàr a cà.
La fémna la gh'à sèg na chitàra ch'la vâl dimóndi ch'l'éra dal sò muróś Randy mòrt in guèra e la la vōl rénd'r a i suo ch'i stàn'n a Las Vegas. Anc TK al gh'à 'd andàr in dla sità dal visi parchè 'l è armàś uféś a 'l cas da na granàda e adès, prima 'd turnàr da la sò dóna ch'a sèrti ròbi la gh tîṅ pròpria, al vōl pruàr-al cun dal “sgnurìni” par védar s'al funsiòna incóra sénsa 'l risć che na qualchidùna la gh rida adrē. Fred invéci al s vōl farmàr a Saint Louis parchè lè la gh'à na mujér, la Pat (Molly Hagan), e 'n fiōl ch'al gh'à da 'ndàr a l'università, Scott (Mark L. Young), ch'al n véd da dū an. Purtròp par lò la dóna la gh diś ch'la gh'à intensiòṅ ad separàr-as mént'r al ragàs al gh'à biśógn ad vint-mila dòlar p'r andàr a Stanford, bèsi che però lò al n gh'à briśa.