The Horsemen
|
C'l artìcul chè 'l è scrit in
Miranduléś |
 Horsemen
| ||
| The Horsemen | ||
 Dennis Quaid in na figùra dal film | ||
| I cavalēr 2009 | ||
|---|---|---|
| Regìa: Jonas Åkerlund | ||
| Scritōr: Dave Callaham | ||
| Atōr: Dennis Quaid • Ziyi Zhang • Patrick Fugit Lou Taylor Pucci • Clifton Collins Jr. • Eric Balfour | ||
| Müsica: Jan A.P. Kaczmarek | ||
| Léngua: Ingléś | ||
| Dürä dal film: 90 minüt | ||
| Nasiōṅ: Stat Unî | ||
The Horsemen (I cavalēr) 'l è 'n film ad scarésa americàṅ dal 2009 ad Jonas Åkerlund, regìsta ad dimóndi vìddeo 'd cantànt famóś.
La pelìcula, giràda a Winnipeg in Cànada, l'à fat sù dū migliòṅ e quàt'r ad dòlar.
Sunt
Al detective Aidan Breslin (Dennis Quaid), luminàri in dal camp dla madśìna legàla, da quànd 'l è armàś véduv cun dū fiōi da tiràr sù da par lò, Alex (Lou Taylor Pucci) e Sean (Liam James), insém a 'l sò jutànt Stingray (Clifton Collins Jr.) al pasa tut al sò tèmp a lauràr par risólvar di caś cuma qvél 'd 'n óm mòrt in campàggna ch'i gh'aṅ cavâ via tut i dènt. Su quàt'r àlbar lè dintóran al sasèṅ al gh'à scrit 'n mesàǵ: „Vîṅ e guàrda“. Cal scriti lè i vìnan catàdi anc su i mur dla cambra in dū a gh'è 'l cadàvar masâ dla Teresa Spitz (Carly L. Thomas), na dóna turturàda, fugàda in dal sò sànguv e tiràda śò cun la telecaméra prima 'd murìr. Al sasèṅ 'l à anc tirâ fóra da la sò pansa al putèṅ ch'la gh'iva da far nàsar.
Breslin, andànd a fónd su cla fraś là, al fà a mènt ch'a s trata 'd un pas dal Lìbar dl'Apucàlis in du a s dascór di quàtar cavalēr, Fam, Guèra, Pèsta e Mòrt, ch'i gh'aṅ da rivàr prima dla fiṅ dal mónd. La fiōla adutàda da la famìja Spitz, la Kristin (Ziyi Zhang), la s fà viva sèg dmandànd-ag ad psēr dascór'r insém ma, mént'r i dū i ciàcran, la ragàsa la tira fóra 'n sachét c'n al fēt dèntar cuntànd 'd èsar lē al cavalēr Guèra.
Aidan al gh'à idéa ch'i masamènt i n sìan briśa finî e 'l s dà da far par farmàr chi àtar tri cavalēr.