Wikipedia

The Devil Put Dinosaurs Here

C'l artìcul chè 'l è scrit in Miranduléś Emiliàn


«
I'm as flawed as any man, look at me I'm smiling, drink me, eat me up, I am wise and you don't know, a cloud is my home, only some get in, got a 'maginary friend, the devil put dinosaurs here, Jesus don't like a queer, the devil put dinosaurs here, no problem with faith just fear.»
(EN)(The Devil Put Dinosaurs Here, 2013)
«
A gh'ò di difèt cuma tut i óm, guàrd'um a sòṅ drē a rìdar, bév-um, magn'um pur, a gh'ò dal giudìsi e tè ta n al sà mia, na nuvla l'è la mè cà, sōl soquànt i pōl'n intràr, a gh'ò 'n amìg imaginàri, al diàvul 'l à mis i dinusàur chè, i fnòć i n piàśan minga a Gesù, al diàvul 'l à mis i dinusàur chè, gnanc un prubléma cun la fēd sōl paùra.»
(MUD)
The Devil Put Dinosaurs Here
2013
Alice in Chains
Tip 'd àlbum: Studi
Gènar: Grunge
Etichéta: Virgin/EMI
Num'r ad braṅ: 12
Duràda: 67:16 minùt
Sìngui: Hollow • Stone • Voices
Precedènt: Black Gives Way to Blue
Sucesìṿ: Rainier Fog


The Devil Put Dinosaurs Here 'l è 'l quìnt àlbum dal grup alternative metal di Alice in Chains, publicâ al 28 ad Maǵ dal 2013.

Al tìtul dal disc al fà riferimènt a la spiegasiòṅ dada da i cristiàṅ sfegatâ e radicài a 'l fat ch'i èṅ stâ catâ i òs ad dinusàur, un quèl ch'l andrév cónt'r a 'l scritùri parchè Dio 'l à fat prima 'l óm e minga cal bèsti lè. Par lōr a mét'r i òs di dinusàur in dla tèra 'l è stâ 'l Diàvul in parsòna, par cunfónd'r e infnuciàr i cristiàṅ, par far-i dubitàr dand crédit a la teurìa dl'evulusiòṅ[1].

P'r al chitarìsta Jerry Cantrell, al tìtul d'l àlbum al s riferìs a l'ipucriśìa a 'l intèran dla religiòṅ urganiśàda, cun dal «próvi ciàri e tóndi ch'al ròbi i n èṅ minga drē a funsiunàr in cal mumènt chè. A gh'ém da crésar cuma parsòni. Quànd 't inségn a 'l parsòni ch'èsar gay 'l è 'n pcâ murtàł quànd na bòna part ad chi al diś i viulènt'n i putèṅ, a gh'è 'n prubléma bèl grôs. A gh'è dū ròbi ch'ta n vrév mai tiràr fóra in dal discusiòṅ: la pulìtica e la religiòṅ. Ma, 'd un Dio, a pòs pinsàr ch'a in dascurarém p'r un bèl pôc»[2].

Al crani 'd un triceràtop
La cupertìna dal disc ch'a salta fóra miténd insém i dū tésć

La cupertìna dal disc la móstra 'n tésć 'd un triceràtop su sfónd rós ma 'd dèntar a gh 'n è 'n atra ch'l'unìs al crani dla cuperìna cun 'n àt'r arbaltâ, faghénd vgnir fóra acsè la ghigna dal Diàvul.

Al disc 'l à fat al sò debùt in secónda puśisiòṅ in dla Billboard americàna, rivànd in di prim déś pòst anc in Nurvégia, Austràglia e Finlàndia.

Braṅ

  1. Hollow – 5:41 (Jerry Cantrell)
  2. Pretty Done – 4:35 (Jerry Cantrell)
  3. Stone – 4:22 (Jerry Cantrell)
  4. Voices – 5:42 (Jerry Cantrell)
  5. The Devil Put Dinosaurs Here – 6:38 (Jerry Cantrell, Mike Inez, Sean Kinney)
  6. Lab Monkey – 5:58 (Jerry Cantrell)
  7. Low Ceiling – 5:15 (Jerry Cantrell, Mike Inez, Sean Kinney)
  8. Breath on a Window – 5:19 (Jerry Cantrell)
  9. Scalpel – 5:21 (Jerry Cantrell, Mike Inez, Sean Kinney)
  10. Phantom Limb – 7:07 (Jerry Cantrell, William DuVall, Mike Inez, Sean Kinney)
  11. Hung on a Hook – 5:34 (Jerry Cantrell)
  12. Choke – 5:44 (Jerry Cantrell, Mike Inez, Sean Kinney)

Furmasiòṅ

Culegamènt estéran

Nòti

  1. ↑ A sòṅ carsùda cardénd ch'la Tèra la fus piàta e ch'i dinusàur i fùsan stâ mis chè par testàr la nòstra fēd Huffington Post, 22 ad Setémbar dal 2020
  2. ↑ Gl'Alice in Chains su cuma un dit “ridìcul” dla religiòṅ 'l à ispirâ 'l tìtul dal sò disc nóṿ Noise Creep, 9 'd Avrìl dal 2013
Estratto da "https://eml.wikipedia.org/w/index.php?title=The_Devil_Put_Dinosaurs_Here&oldid=146991"