Teresa May
|
C'l artìcul chè 'l è scrit in
Miranduléś |
La Teresa Betteridge, cgnusùda méj c'n al nóm 'd art ad Teresa May (Surrey, 15 ad Dicémbar dal 1966), l'è n'atōra pòran ingléśa.
In dla sò caréra l'à recitâ in soquànti pelìculi malnéti cuma Theresa May XXX Video (1997), Teresa Takes 10 Inches (2000), Teresa May Special (2001) e Whitehouse: The Sex Video (2002) ólt'r a tōr part a 'l vìddeo 'd Smack My Bitch Up di The Prodigy.
Dal vòlti la gint la la cunfónd cun la Theresa May, la prima minìsta dal guèran britànic impgnàda a purtàr avànti l’hard Brexit. Anc l'aministrasiòn Trump la s è śbaliàda faghénd caśèṅ c'n i dū nóm in dal prim incónt'r ufisiàł dal presidènt Donald Trump cun di pulìtig furastēr dòp al sò insediamènt[1]. A gh'è però da dir che la Teresa l'iva sarnî 'l sò nóm 'd art bèla in dal 1992 quànd la Theresa al n la cgnusìva ninsòṅ e 'd atra part anc par la pulìtiga di “tories” May l'è 'n pseudònim esénd nada Brasier.
Filmugrafìa
- 1997 - Punto di non ritorno (Event Horizon), regìa ad Paul W.S. Anderson
- 2005 - Exterminator City, regìa ad Clive Cohen
Culegamènt estéran
Nòti
- ↑ Gaffe dla Cà Biànca: la prima minìstra britànica la dvènta la “Teresa May”, na stéla dal pòran dimóndi cgnusùda La Stampa, 27 ad Śnar dal 2017