Theresa May

C'l artìcul chè 'l è scrit in Miranduléś

La Theresa Mary Brasier, cgnusùda méj cuma Theresa May (Eastbourne, 1 'd Utóbar dal 1956, a s lèś [təˈriːzə ˈmeəri meɪ] in ingléś) l'è na pulìtiga ingléśa dal partî cunservadōr.

Dòp avér batû soquànt rivài dal sò partî, p'r ultma l'Andrea Leadsom^[1], al 13 ad Luj dal 2016 l'è dvintàda la prima minìstra dal Régn Unî tulénd al pòst ad David Cameron ch'al s éra dimìs dòp al referéndum par la Brexit.

Dòp avér fat di studi a Oxford, l'è laureàda in geugrafìa, l'è stada elèta par la prima vòlta in parlamènt in dal 1997.

Da 'l 6 ad Setémbar dal 1980 l'è spuśàda cun Philip May, banchēr cgnusû in discutéca. La sò canta preferìda l'è Dancing Queen di Abba. La n gh'à minga di fiōi e la gh'à na pasiòṅ p'r al scarpi c'n i tac, anc leupardàdi^[2].

Culegamènt estéran

(EN) Al sò sit ufisiàł

Nòti

[1] Mai dir May! La vispa Theresa la spasa via la cuncurénsa e l'armàgn la sōla candidàda premier: a lasa la cursa la sò rivàla Leadson, qvéla ch'la l'à criticàda parchè la n éra minga màdar, e anc Gove e Johnson i èṅ da la banda dla minìstra. Dagospia, 11 ad Luj dal 2016

[2] May più sénsa - Chi l'è, chi n l'è, chi la s créd 'd èsar la Theresa May, la Thatcher nóva ch'la s è ciapàda Downing Street 26 an dòp la Maggie Dagospia, 12 ad Luj dal 2016

[1]

[2]