Tasèl mòrt

(Reindirizzamento da Tasèl)

C'l artìcul chè 'l è scrit in Miranduléś Emiliàn

Un tasèl mòrt vōd


Al Tasèl mòrt (o anc sōl Tasèl) 'l è c'l ambînt dla ch'a s cata sóta 'l téǵ.

'L è druâ cuma 'n tanabùś par métar via dla ròba ch'a n s dróa piò e a sa gh riva da 'd sóta faghénd diretamènt na scala o pasànd par n'arbàlta.

In gènar i tasèi i èṅ di pòst scûr, pîṅ ad pólvra e ad tlarédi. La luś la riva par via 'd un luminarōl in sal téǵ minga quaciâ da di cóp. P'r al catàst la superfìsi dal tasèl mòrt la vâł la mità.

In dal tasèl i s càt'n i traṿ, da spés fat in légn, ch'i sarvìsan par tgnir sù 'l téǵ. Adès i s fàn'n anc di tasèi ventilâ par tgnir più basa la temperadùra.

Mōd ad dir

  • (CARPŚ) La roba vècia la và in dal tasèl,[1][2] (IT) La roba vecchia va portata in solaio.

Noti e referènsi

  1. (CARPŚ) e (IT) In dal "Dizionario del dialetto carpigiano" ed Grasiàn Malagòli e Anna Marìa Ori, Mòdna 2011, a s escrìv: „La ròoba vèecia la va ind al tasèel.
  2. (CARPŚ) e (IT) In dal disiunàri "Dèscòrèr Càrpšan" ed Massimo Loschi, Chèrp, novèmber 2016, a s escrìv: „Al rôbi vêci i van in dal tàsêl.