Sunderland
|
C'l artìcul chè 'l è scrit in
Miranduléś |
.jpg)
Sunderland (a s lèś /ˈsʌndərlənd/ in ingléś, scólta'l chè) l'è na sità dal Régn Unî ch'la s cata in dal nòrd-èst dl'Inghiltèra, in dla cuntèa metrupulitàna 'd Tyne and Wear. La fà sù sènt-stantasincmìla abitànt a 'l incìrca (dat dal 2011), pôc più pìcula 'd Mòdna.
La sità l'è anc un pòrt e la gh'è sōl lē in Inghiltèra ch'la n gh'à minga dal catedràli. Dòp èsar carsùda in di sécui pasâ dand vita a di cumèrs dal carbòṅ e dal sâł, in di tèmp mudèran l'è dvintàda 'n punt ad riferimènt par l'indùstria tecnulògica, di servìsi e mecàniga, cun la Nissan ch'la fà chè la Nissan Qashqai e la Nissan Juke dand lavōr a dimóndi parsòni. In dal 2012 la in fava da piò ad sincsènt-mila 'l an faghénd ad Sunderland la sità più impurtànta in fat ad màchini dal Régn Unî.
In dal referendum par la Brexit dal 2016 gl'eletōr i aṅ vutâ in masa par lasàr l'Ugnòṅ Européa (61% cóntar 39%) [1] ma dòp che la Theresa May l'à fat savēr ch'l'è prònta par na Brexit dûra[2], lasànd al marcâ ùnic, la Nissan la s è dita prònta a farmàr i sò investimènt in sità[3].
I sò abitànt i èṅ ciamâ anc Mackem.
Persunàǵ ligâ a Sunderland
- Joseph Swan, inventōr dla lampadìna
- Don Airey, tastérista di Deep Purple
- Mark Brydon, sunadōr di Moloko
- David A. Stewart, sunadōr di Eurythmics
Culegamènt estéran
Nòti
- ↑ La sità Pro-‘Brexit’ ad Sunderland cuntènta 'd dar un cuc in 'n òć a 'l “Establishment” New York Times, 27 ad Śugn dal 2016
- ↑ La Brexit la s fà "hard" – La Theresa May la bat i pugn e la minàsa: La Gran Bretàgna la dvintarà 'n paradìś fiscàł - Lóndra pòrta 'd servìsi par far vgnir dènt'r in dla UE i prudót cinéś o cureàṅ a dasi śèr? - Al Régn Unî al n rispeterà piò la cōrt ad giustìsia européa Dagospia/La Repubblica, 18 ad Śnar dal 2016
- ↑ Al cap dla Nissan Carlos Ghosn al diś che par 'l investimènt in dal Régn Unî a gh'è da pinsàr-ag bèṅ se la Theresa May la śibìs 'n acòrt pòvar par la Brexit The Indipendent, 20 ad Śnar dal 2016