Spighèta
|
C'l artìcol chè 'l è scrit in
Carpśàn |
La spighèta l'è na qualitê 'd naster ch'la gh'à n'armadùra tisùda a sàia e cun la forma 'd ùna o 'd soquànti spighi o lischi 'd pès (acsè: >>>>>>>). El spighèti i s pólen tèser ed cutòun, ed lèin, ed polièster o in poliamìda, e in diferèinti altèsi, dai 5 mm. ai 7 mm. ai 10 o 15 mm., su su infìn a di spighê ēlt anca 90 mm.
Chel caraterìstic chè i fan sè che la spighèta l'è 'n naster tender, flesìbil, apèina elàstic, anca in dla só robustèsa. Acsè al naster spighê 'l è 'l mijōr da śuntèr dèint'r a 'l riśvòlt dal fònda del brèghi, ch'al tin bèin strìc al tisû anca in dl'indispensàbil flesibilitê ch'a gh'è biśògn.