Joe Biden: differenze tra le versioni
Creata pagina con "{{Metacaixa |id=0 |color= |bt1=Miranduléś |bticona1=16px |ps1= __NOTOC__ {{dialort | dial=Miranduléś}} File:Joe Biden official portrait c..." |
(Nessuna differenza)
|
Versione delle 23:58, 29 Oto 2020
|
C'l artìcul chè 'l è scrit in
Miranduléś |
Joseph Robinette Biden Jr., cgnusû méj cuma Joe Biden (Scranton, 20 ad Nuvémbar dal 1942, a s lèś [ˈd͡ʒəʊzəf ˌrɒbᵻˈnɛt ˈbaɪdən] in ingléś) 'l è 'n pulìtig americàṅ, mémbar dal partî demucràtic, èx segretàri 'd stat par Barack Obama e senadōr dal Delaware da 'l 1973 a 'l 2009.
In dal 2020 l'à vins cóntar Bernie Sanders al primàri dal sò partî dvintànd al candidâ demucràtic in dgl'elesiòṅ presidensiàli americàni. Al sò rivàł 'l è 'l presidènt di Stat Unî, al republicàṅ Donald Trump.
Laureâ in siénsi pulìtighi, prima 'd dvintàr un pulìtig ad mistēr, Joe 'l à fat 'l avucàt.
Biugrafìa
Uriginàri dna famìglia catòlica dla Pennsylvania cun dal raìś irlandéśi, Biden al s làurea in dal 1965 a l'università ad Newark in Siénsi Pulìtighi e pò in Léǵ tri an dòp a Syracuse. In chi an lè al cgnós la Neilla Hunter ch'al spóśa in dal 1966 avénd sèg tri fiōi: Joseph Robinette Biden dit "Beau", Robert Hunter e la Naomi Christina.
Dòp ès'r-as davśinâ a la pulìtica, in dal 1972 al dvènta senadōr dal Delaware ma pròpria in c'l an lè la sò famìja l'è vitma 'd 'n incidènt in màchina in du i mōran sò mujēr e sò fiōla mént'r i dū masć i armàgnan frî. In dal 1977 Joe al sa spóśa cun Jill Tracy Jacobs ch'la gh dà na fiōla fémna in dal 1981, l’Ashley. In séguit a mōr anc Beau p'r un cànc'r a 'l sarvèl a quarànta-siē an durànt al sò secónd mandâ a la vice-presidénsa sóta Obama.
In dal 2020 'l è candidâ p'r al sò partî a presidènt di Stat Unî, curénd insém a la sò vice Kamala Harris, senadōra dla Califòrgna.