Spartacus
|
C'l artìcul chè 'l è scrit in
Miranduléś |
 Spartacus
| ||
 La Simmons e Kirk Douglas in na figùra dal film | ||
| id. 1960 | ||
|---|---|---|
| Regìa: Stanley Kubrick | ||
| Scritōr: Howard Fast • Dalton Trumbo | ||
| Atōr: Kirk Douglas • Laurence Olivier • Nina Foch John Gavin • Charles Laughton • Tony Curtis Jean Simmons • Peter Ustinov • John Dall Herbert Lom • John Ireland • Charles McGraw | ||
| Müsica: Alex North | ||
| Léngua: Ingléś | ||
| Dürä dal film: 198 minüt | ||
| Nasiōṅ: Stat Unî | ||
Spartacus (id.) 'l è 'n film stòric americàṅ dal 1960 ad Stanley Kubrick trat da 'l rumànś umònim 'd Howard Fast dal 1952 senegiâ par Dalton Trumbo. 'L à vins quàtar Prèmi Òscar.
Al regìsta ch'l iva tacâ a giràr 'l éra Anthony Mann che però dòp 'l è stâ mandâ a cà da 'l prudutōr e da Kirk Douglas ch'i aṅ tòlt a 'l sò pòst Kubrick ch'l iva bèla dirèt Douglas in dl'òpra Orizzonti di gloria ad tri an prima.
Custâ dódas migliòṅ ad dòlar, la pelìcula la 'n à pò purtâ a cà ssanta, al più grand sucès par la Universal in fiṅ a i tèmp 'd Airport dal 1970.
Sunt
In dal prim sècul prima 'd Crist, in dal muntàgni dla Lìbia, Spartaco (Kirk Douglas) al gh'à da stlar-as la schina a lauràr in dal mini di rumàṅ insém a chi àtar sćiàṿ. Dòp èsar stâ ligâ sóta 'l sōl parchè al s éra arvultâ, Lentulo Batiato (Peter Ustinov) 'l al tōś p'r andàr a cumbàtar cuma gladiadōr. P'r al fat ch'in di alenamènt al s fà valēr, a gh vèṅ sibìda na dóna ch'la daśvîṅ da la Britàgna, la Varinia (Jean Simmons), ma lò al n gh và minga a lèt a cumànd anc s'al s éra inamurâ dabòṅ.
Dòp èsar stâ custrét a cumbàtar p'r al divertimènt ad Marco Licinio Crasso (Laurence Olivier) e dal sò amìg Marco Publio Glabro (John Dall), Spartaco al s mét a cap dn'arvòlta cónt'r i rumàṅ.