Sotto corte marziale
|
C'l artìcul chè 'l è scrit in
Miranduléś |
 Hart's War
| ||
| Sotto corte marziale | ||
 Bruce Willis in na figùra dal film | ||
| Sóta cōrt marsiàla 2002 | ||
|---|---|---|
| Regìa: Gregory Hoblit | ||
| Scritōr: John Katzenbach Billy Ray • Terry George | ||
| Atōr: Bruce Willis • Colin Farrell • Cole Hauser Terrence Howard • Marcel Iures • Linus Roache David Barrass • Maury Sterling • Sam Jaeger Scott Michael Campbell • Sebastian Tillinger Vicellous Shannon • Adrian Grenier • René Ifrah Rory Cochrane • Michael Landes • Joe Spano | ||
| Müsica: Rachel Portman | ||
| Léngua: Ingléś • Tedésc | ||
| Dürä dal film: 125 minüt | ||
| Nasiōṅ: Stat Unî | ||
Sotto corte marziale (Sóta cōrt marsiàla) 'l è 'n film dramàtic ad guèra dal 2002 ad Gregory Hoblit trat da 'l rumànś umònim ad John Katzenbach.
La pelìcula l'à fat sù trénta-tri migliòṅ ad dòlar a 'l incìrca dòp ès'r-an custâ stanta.
Sunt
Thomas Hart (Colin Farrell), sudènt ad léǵ e fiōl 'd un senadōr di Stat Unî, al partìs p'r al Bélgi durànt la secónda guèra mundiàla in du 'l cumbàt cuma tenènt. Vitma dn'imbuscàda, al vîṅ fat parśunēr da i tedésc ch'i al màndan in un camp in du i fànan sù i cumbatènt nemìg. Chè a gh'è anc al culunèl William McNamara (Bruce Willis) che, avénd al grâd più élt ad tut, al cmanda su i suldâ americàṅ ciapâ da i tedésc. William 'l al manda a durmìr in dla baràca di suldâ 'd léva e minga in dal sò caśòt di ufisiài.
Quànd i rìvan lè dū americàṅ négar dl'aviasiòṅ, i tenènt Lincoln A. Scott (Terrence Howard) e Lamar Archer (Vicellous Shannon), al sergînt rasìsta Vic W. Bedford (Cole Hauser), ch'al n s i cumpatìs pròpria briśa, al fà in manéra che Lamar al sia fuśilâ da i naśìsta parchè i gh càtan n'arma sóta 'l sò stramàs ch'al gh'iva lugâ lò.
La nòt dòp a vîṅ catâ 'l còrp ad Bedford e 'l respunsàbil tedésc dal camp, al magiōr Hans Fussel (David Barrass), al diś ch'l à vdû Lincoln darènt al cadàvar, dònca par lò 'l è ciàr ch'al 'l à masâ. Al tenènt al sarév prònt p'r èsar giustisiâ in quàt'r e quàt'r òt ma William al dmanda invéci 'd far-'g un prucès prima, cuma na cōrt marsiàla. A diféndar-'l a gh mét Hart, cónt'r ad lò al capitàṅ R.G. Sisk (Sam Jaeger), avucàt ad mistēr. A testimuniàr par la diféśa Hart al ciàma 'l cap dal camp in parsòna, al culunèl Werner Visser (Marcel Iures).