Snakes on a Train
|
C'l artìcul chè 'l è scrit in
Miranduléś |
 Snakes on a Train
| ||
 Reza Riazi in na figùra dal film | ||
| Bisi in dal Trêṅ 2006 | ||
|---|---|---|
| Regìa: Peter Mervis | ||
| Scritōr: Eric Forsberg | ||
| Atōr: A.J. Castro • Julia Ruiz • Giovanni Bejarano Al Galvez • Amelia Jackson-Gray • Isaac Wade Shannon Gayle Hurd • Jay Costelo • Reza Riazi Madeleine Falk • Carolyn Meyer • Paige Cooper Anthony Fankhauser • Nick Slatkin • Jake Austin | ||
| Müsica: Mel Lewis | ||
| Léngua: Ingléś • Spagnōl | ||
| Dürä dal film: 91 minüt | ||
| Nasiōṅ: Stat Unî | ||
Snakes on a Train (Bisi in dal Trêṅ) 'l è 'n thriller 'd asiòṅ americàṅ dal 2006 ad Peter Mervis che chè al s firma cuma “The Mallachi Brothers”. A s trata 'd un mockbuster prudót par qvéi dla The Asylum dal film Snakes on a Plane dal stés an.
La pelìcula l'è stada giràda in Califòrgna druànd un budget 'd un migliòṅ ad dòlar.
Sunt
Brujo (A.J. Castro) e la sò muróśa Alma (Julia Ruiz) i èṅ dū mesicàṅ ch'i gh'aṅ da ciapàr un trêṅ p'r i Stat Unî p'r andàr a catàr un sò sîṅ ad Los Angeles, un siamàṅ maya, par guarìr la dóna da la maledisiòṅ ch'la gh'à adòs parchè la s éra misa cóntar a 'n matrimòni cuncurdâ da la sò famìja par ciapàr di bèsi. In dal sò stómag i vìvan di sarpènt che lē la gòmita dal vòlti quànd la stà mâł dimóndi. A gh dà na maṅ un tisi ciamâ Miguel (Giovanni Bejarano).
In sal trêṅ i gh'èṅ anc dū americàni che par sinc-mila dòlar i pòrtan sèg dla dròga, la Crystal (Amelia Jackson-Gray) e la Summer (Shannon Gayle Hurd). Par sfurtùna lōr a gh tîṅ adrē un pulisiòt dla narcòtic par dar-ag la casa, Hoover (Philo Beddoe). Chi lò però 'l è anc prònt a srar 'n òć in cambi di bèsi e dna ciuladìna cun la Crystal che p'r a n finìr minga in parśòṅ la decìd ad star-ag. A 'l ùltim a riva lè 'n tisi ciamâ Barat (Reza Riazi) ch'al la salva, pò i dū i s cópan 'l un cun c'l àtar.
A cal punt lè al bisi i tàc'n a 'ndàr in gir rabìdi par muśgàr tut qvéi ch'i gh s pàran davànti, tacànd da la famìja ad Mitch (Derek Osedach), sò mujér, la Nancy (Madeleine Falk), e la sò putìna Lani (Lola Forsberg). L’Alma la n gh la fà piò e la dvènta 'n sarpènt gigànt a sò vòlta e la śbuśìs al trêṅ par scapàr fóra parchè la 'l vōl mandàr śò tut, cun la gnint dèntar.