Sideways - In viaggio con Jack
|
C'l artìcul chè 'l è scrit in
Miranduléś |
 Sideways
| ||
| Sideways - In viaggio con Jack | ||
 La Oh e Haden Church in na figùra dal film | ||
| Sideways - In viàś cun Jack 2004 | ||
|---|---|---|
| Regìa: Alexander Payne | ||
| Scritōr: Rex Pickett • Alexander Payne • Jim Taylor | ||
| Atōr: Paul Giamatti • Thomas Haden Church Virginia Madsen • Sandra Oh • Jessica Hecht Marylouise Burke • Shaun Duke • Joe Marinelli Alysia Reiner • Shake Tukhmanyan • M.C. Gainey Patrick Gallagher • Stephanie Faracy • Missy Doty | ||
| Müsica: Rolfe Kent | ||
| Léngua: Ingléś • Armēn | ||
| Dürä dal film: 127 minüt | ||
| Nasiōṅ: Stat Unî • Ungherìa | ||
Sideways - In viaggio con Jack (Sideways - In viàś cun Jack) l'è na cumèdia dramàtica americàna e ungheréśa dal 2004 'd Alexander Payne candidàda a sinc Prèmi Òscar e vinsidōra 'd qvél par la senegiadùra minga uriginàla.
La pelìcula, preśentàda a 'l 29śum Fèstival ad Turònt, l'è stada bòna ad muciàr sù dagnóra sènt-déś migliòṅ ad dòlar a frònt dna spéśa 'd sédas.
Sunt
Miles (Paul Giamatti) 'l è 'n insgnànt 'd létri ad San Diego. Divìś da sò mujēr Victoria (Jessica Hecht) e cun la pasiòṅ dal vèṅ, 'l à scrit un lìbar sprand ch'al véggna publicâ. Jack (Thomas Haden Church) 'l è 'l sò amìg più stric da i tèmp dal culéǵ, al fà 'l atōr e 'l gh'à da spuśàr-as la stmana dòp cun la Christine (Alysia Reiner). I dū i decìd'n ad partìr p'r un viàś ad soquànt dè in gir par la Califòrgna, pascànd i pòst ad campàggna in du a s pōl bévar dal vèṅ bòṅ.
Lung la via, i dū amìg i cgnósan dū dóni separàdi: la camaréra Maya (Virginia Madsen) e la barìsta Stephanie (Sandra Oh), màdar dna putìna ciamàda Siena (Natalie Carter). Jack al vōl a tut i cóst divertìr-as purtànd-'s a lèt la Stephanie, che pò c'n al matrimòni al divertimènt al finìs, e al gh la cava. Miles invéci al fà fadìga a tacàr un rapòrt cun la Maya, al n è minga sfaciâ cuma 'l sò amìg, ma pò anc lò dà inìsi a na relasiòṅ sèg. Purtròp a gh scapa dit che sàbat a gh'è na serimògna e la Maya la capìs ch'i èṅ stadi fargàdi. La Stephanie la la tōś anc pèś e la śbraga 'l naś a Jack ch'al fà 'n ùltim gir 'd gusàdi cun n'atra camaréra ciciòna, la Cammi (Missy Doty).
I dū i tórnan a cà, Jack al spóśa la sò muróśa méntar Miles al pasa na bruta giurnàda tuta da par lò anc parchè al sò editōr 'l à decìś ad mét'r al sò rumànś in dal casét. 'L óm al sènt un mesàǵ dla segreterìa telefònica: l'è la Maya ch'la gh diś ch'al sò lìb'r al gh'è piaśû dimóndi e che, s'al pasarà da 'l sò bandi, a gh farév piaśēr s'al l'andìs a catàr. Jack al partìs subìt e 'l busa a 'l sò us ad cà.