Shakma - La scimmia che uccide
|
C'l artìcul chè 'l è scrit in
Miranduléś |
 Shakma
| ||
| Shakma - La scimmia che uccide | ||
 Christopher Atkins in na figùra dal film | ||
| Shakma - La sìmia ch'la cópa 1990 | ||
|---|---|---|
| Regìa: Hugh Parks • Tom Logan | ||
| Scritōr: Roger Engle | ||
| Atōr: Christopher Atkins • Robb Edward Morris Amanda Wyss • Ari Meyers • Roddy McDowall Tre Laughlin • Greg Flowers • Ann Kymberlie | ||
| Müsica: David C. Williams | ||
| Léngua: Ingléś • Giapunéś | ||
| Dürä dal film: 100 minüt | ||
| Nasiōṅ: Stat Unî | ||
Shakma - La scimmia che uccide (Shakma - La sìmia ch'la cópa) 'l è 'n film ad scarésa americàṅ dal 1990 ad Hugh Parks e 'd Tom Logan. In Itàglia 'l è vgnû fóra anc c'n al tìtul ad Shakma - Morire per gioco.
'L è stâ girâ c'n un budget stimâ 'd un migliòṅ e mèś ad dòlar a Urlànd in Flòrida druànd al babuèṅ Typhoon par prutagunìsta, bèstia ch'la fava scarésa dabòṅ a l'atōra Amanda Wyss.
Sunt
Sam (Christopher Atkins) 'l è 'n studènt ad madśìna ch'al gh'à da far 'n esperimènt su 'n babuèṅ ciamâ Shakma par cònt dal sò prufesōr, Sorenson (Roddy McDowall). La dròga ch'al gh'à da dar-ag 'l è 'n stupefacènt sperimentàł ch'al gh'arév da réndar-la più bòna mo invéci a sucéd tut al cuntràri e la sìmia la dvènta rabìda ch'a pâr ch'la gh'àppia 'l diàv'l adòs. A cal punt lè Sorenson al dà dispuśisiòṅ ad far-ag l'eutanaśìa parchè a n gh'è più gnint da far par far-la turnàr cum l'éra prima. Sam però al n gh'à minga 'l curàǵ ad masàr-la e 'l decìd invéci 'd dar-ag dla śdòrmia.
Cla nòt lè 'l insgnànt al decìd 'd urganiśàr un śōg ad rōl in du Sam e i sò amìg Gary (Robb Edward Morris), Bradley (Tre Laughlin), Richard (Greg Flowers) e la Tracy (Amanda Wyss) i gh'aṅ da rivàr a la “prinsipésa” Kim (Ari Meyers), la surèla pìcula 'd Richard, ch'la s cata a 'l ùltim piàṅ dal sèn'r ad risérchi. Par dascórar fra 'd lōr durànt la misiòṅ i gh'aṅ di walkie-talkie ch'i pàsan par qvél ad Sorenson.
A 'l inìsi dal śōg però Shakma al s déśda e 'l cópa 'l prufesōr. I ragàs i n gh'aṅ piò la manéra 'd métar-'s in cuntàt, méntar la sìmia la sa spòsta in asinsōr par masàr-i tut. Scapàr via a n s pōl briśa parchè i us i èṅ tut sarâ.