Shadow of Fear - L'ombra della paura
|
C'l artìcul chè 'l è scrit in
Miranduléś |
 Shadow of Fear
| ||
| Shadow of Fear - L'ombra della paura | ||
 James Spader in na figùra dal film | ||
| Shadow of Fear - L'òra dla paùra 2004 | ||
|---|---|---|
| Regìa: Rich Cowan | ||
| Scritōr: Matt Holloway • Art Marcum | ||
| Atōr: Matthew Davis • James Spader • Alice Krige Aidan Quinn • Peter Coyote • Robin Tunney Lacey Chabert • David Andriole • Andrew Harris | ||
| Müsica: Stephen Edwards | ||
| Léngua: Ingléś | ||
| Dürä dal film: 88 minüt | ||
| Nasiōṅ: Stat Unî | ||
Shadow of Fear - L'ombra della paura (Shadow of Fear - L'òra dla paùra) 'l è 'n thriller dal 2004 ad Rich Cowan girâ c'n un budget stimâ ad sinc migliòṅ ad dòlar.
Sunt
Harrison French (Matthew Davis) 'l è drē a turnàr a cà. L'è nòt e a piōṿ fòrt e lò 'l è dimóndi śò parchè a gh'è péna saltâ 'n afâr ch'al prév mandàr-al falî. A n sèrt punt 'l incróśa 'n tisi férum in mèś a la strada e 'l al mét sóta masànd-al. Spavintâ al decìd ad lugàr-'l in dal bòsc e 'd quaciàr-al cun di spróc, pò al tórna a cà da sò mujēr Wynn (Robin Tunney).
La matìna dòp 'l óm al sènt a la televiśiòṅ ch'in sità i aṅ rapinâ na banca e ch'i malvivènt i èṅ scapâ via c'n i bèsi. Quànd al fradèl drugâ 'd sò mujēr, Chris (Andrew Harris), al n s fà minga viṿ, Harrison al taca a pinsàr ch'al sia lò la vitma. Pascànd ajùt, al śōv'n al và a dascórar cun 'l avucàt William Ashbury (James Spader), 'n óm ch'l à péna jutâ di àtar sugèt ch'i ìvan fat di śbali a saltàr-'g-an fóra. Al cònta d'l incidènt a William e lò al decìd ad dar-ag na maṅ.
In séguit la pulisìa la cata 'l cadàvar e a pâr ch'a s trata pròpria 'd Chris par via 'd un tatuàǵ a 'n pē arcgnusû par sò surèla e par via d'l eśàm dal DNA esénd ch'la sò ghigna 'l è tuta dasfurmàda e uféśa. Al detective Scofield (Aidan Quinn) 'l è sicûr ch'a masàr-'l a sia stâ pròpria Harrison parchè su 'l pòst i aṅ catâ un sò fujét adeśìṿ par tèra.
In cal méntar William al śibìs un piàṅ a Harrison che pò al fà dabòṅː chi lò al gh'arév da métar i bèsi dla rapìna in na caséta 'd sicurésa darènt a la stasiòṅ di trêṅ, pò un sénsa téǵ pascâ in mèś a la strada al gh'arév d'andàr a tōr-i giùst p'r incastràr-al tulénd-al śò in segrét in manéra 'd far crédar a la pulisìa ch'al sia lò c'l àtar delinquènt dla rapìna, ch'l arév masâ Chris par tgnir-as tut lò.
Purtròp par Harrison a s trata sōl dna fargadùra ligàda a 'n ricàt da part ad William.