Sex Pistols
|
C'l artìcul chè 'l è scrit in
Miranduléś |
I Sex Pistols (Pistòli dal Sès) i èṅ un grup punk britànic cunsiderâ gl'inventōr dal muimènt in dal Régn Unî. La banda l'è stada misa in pē a Lóndra in dal 1975 da 'l cantànt Johnny Rotten, da 'l chitarìsta Steve Jones, da 'l baterìsta Paul Cook e da' l basìsta Glen Matlock che pò al lasarà 'l pòst in dal 1977 a Sid Vicious ch'l iva sunâ la baterìa p'r i Siouxsie and the Banshees e ch'al mur'rà drugâ a vint-i-òṅ an.
I sò cuncènt i gh'aṅ sèmp'r abû cóntar gl'istitusiòṅ e quànd i s fàvan véd'r in pùblic i fàvan da spés dal caśèṅ fra la gint ch'la gh tgniva drē. Al sìngul lōr più famóś, God Save the Queen dal 1977, 'l è vgnû fóra durànt al giubilèo 'd argìnt dla regìna e 'l è stâ cunsiderâ 'n atàc a la munarchìa e a 'l nasiunalìśum di ingléś.
La caréra dal grup 'l è duràda pôc, sōl tri an, in dua i aṅ fat vgnir fóra sōl 'n àlbum, Never Mind the Bollocks, Here's the Sex Pistols, e quàtar sìngui. Johnny Rotten 'l à mulâ i Sex Pistols in dal 1978 cun chi àtar ch'i èṅ andâ avànti da par lōr in fiṅ a 'l 1979.
Cumpunènt
'd adès
- Johnny Rotten - vóś
- Steve Jones - chitàra
- Glen Matlock - bas
- Paul Cook - baterìa
quéi vèć
- Sid Vicious - vóś, baterìa
Discugrafìa
In studi
- 1977 - Never Mind the Bollocks, Here's the Sex Pistols
Culòni sunóri
- 1979 - The Great Rock 'n' Roll Swindle
Da 'l Viṿ
- 1996 - Filthy Lucre Live
Racòlti
- 1979 - Some Product - Carri on Sex Pistols
- 1980 - Flogging a Dead Horse
- 1992 - Kiss This