Seed
|
C'l artìcul chè 'l è scrit in
Miranduléś |
 Seed
| ||
| Seed | ||
.png) Will Sanderson in na figùra dal film | ||
| id. 2007 | ||
|---|---|---|
| Regìa: Uwe Boll | ||
| Scritōr: Uwe Boll | ||
| Atōr: Michael Paré • Will Sanderson • Thea Gill Ralf Möller • Jodelle Ferland • Andrew Jackson Brad Turner • Phillip Mitchell • John Sampson Mike Dopud • Tyron Leitso • Michael Eklund | ||
| Müsica: Jessica de Rooij | ||
| Léngua: Ingléś | ||
| Dürä dal film: 90 minüt | ||
| Nasiōṅ: Cànada | ||
Seed (id.) 'l è 'n film ad scarésa canadéś dal 2007 'd Uwe Boll ch'al 'l à anc scrit e in part prudót.
'L è custâ déś migliòṅ ad dòlar e 'l è stâ girâ a Vancouver.
Sunt
Max Seed (Will Sanderson) 'l è pròpria na bruta parsòna parchè a gh cata gust a turturàr bèsti, putèṅ e cristiàṅ faghénd-i murìr ad fam e pò lasànd-i marsìr e magnàr p'r i bègatèṅ, tulénd-i śò anc cun na telecàmra. Al detective Matt Bishop (Michael Paré) al gh la cava a ciapàr-'l in cà sua ma tut i sò agìnt i mōran durànt al blitz.
Al serial killer al vîṅ cundanâ a mòrt su la scrana lètrica ma 'l scampa listés a dū scarghi ad quìndas-mila volt. Par la léǵ americàna s'un cundanâ al gh la cava a reśìstar a tri tintatìṿ al gh'à da èsar mandâ lìbar dònca, p'r a n cùrar di risć, al respunsàbil dl'eśecusiòṅ Warden Arnold Calgrove (Ralf Möller) 'l órdna a 'l dutōr Wickson (Andrew Jackson) ad scrìvar ch'al parśunēr 'l è mòrt acsè da saplìr-al viṿ listés.