Sciame assassino
|
C'l artìcul chè 'l è scrit in
Miranduléś |
 Deadly Swarm
| ||
| Sciame assassino | ||
 Hugo Ateo in na figùra dal film | ||
| Sam sasèṅ 2003 | ||
|---|---|---|
| Regìa: Paul Andresen | ||
| Scritōr: John Dombrow • William H. Stewart | ||
| Atōr: Shane Brolly • Kaarina Aufranc • Pepe Serna J. Patrick McCormack • Roger Nevares • Hugo Ateo | ||
| Müsica: Neal Acree | ||
| Léngua: Ingléś • Spagnōl | ||
| Dürä dal film: 90 minüt | ||
| Nasiōṅ: Stat Unî • Mèsic | ||
Sciame assassino (Sam sasèṅ), cgnusû in Itàglia anc cuma Swarm 2 - Nel cuore della giungla, 'l è 'n film ad scarésa americàṅ e mesicàṅ dal 2003 ad Paul Andresen.
'L è stâ girâ a Puerto Vallarta in Mèsic.
Sunt
Al prufesōr Schröder (J. Patrick McCormack) al s cata in Guatemàla, insém a na guìda (Hugo Ateo) ch'al dascór la léngua di salvàdag dal pòst, par far-as dir in du l'è 'l vilàǵ Maya in du a s diś ch'a gh staga 'n sam 'd aśióli dimóndi rabìdi che par lò i prévan curàr al càncar. Al siensiâ al gh la cava a ficàr al siàm dèntar na scatla 'd plàstica pò al paga 'n camiunìsta par far-al rivàr in di Stat Unî pasànd p'r al Mèsic. Durànt un surpàs però al càmion al s arbàlta e gl'insèt i gh la càv'n a vulàr via ma prima i pùnś'n a mòrt al pulisiót Ramírez. Gl'agìnt americàṅ Charlie (Freddy Soto) e la Sandra (Kaarina Aufranc), ch'i dàvan la casa a 'l camiunìsta parchè 'l éra 'n traficànt ad dròga, i càt'n al cadàvar lung la strada.
'N entumòlug ciamâ Daniel Lang (Shane Brolly) al và a dascórar c'n al sìndig Enrique Sanchez (Roger Nevares) e c'n al sò bras dèstar Manolo (Omar Ayala) par via d'l incàrag ch'al gh'iva dâ 'd cumbàt'r al sinsàli ch'i stramnàv'n in gir la malària. Al pulìtig al vōl far-li sparìr tuti p'r a n dar minga fastìdi a i turìsta ch'i gh'aṅ da vgnir ma pò al decìd ad mandàr via 'l luminàri quànd chi lò al gh diś ch'al gh'à in mènt ad druàr di papastrèi.
In séguit al cmandànt Álvarez (Pepe Serna) al ciàma in ajùt Lang par farmàr al sam ad vrèspi ch'i aṅ tacâ a masàr dla gint dal pòst.