Scanners 3
|
C'l artìcul chè 'l è scrit in
Miranduléś |
 Scanners 3: The Takeover
| ||
| Scanners 3 | ||
 Steve Parrish in na figùra dal film | ||
| id. 1992 | ||
|---|---|---|
| Regìa: Christian Duguay | ||
| Scritōr: David Cronenberg • B.J. Nelson Julie Richard • David Preston • Michael Joy | ||
| Atōr: Liliana Komorowska • Michael Copeman Valérie Valois • Steve Parrish • Colin Fox | ||
| Müsica: Marty Simon | ||
| Léngua: Ingléś | ||
| Dürä dal film: 101 minüt | ||
| Nasiōṅ: Cànada • Stat Unî | ||
Scanners 3 (id.) 'l è 'n film dramàtic dal 1992 ad Christian Duguay.
La pelìcula l'è 'l séguit di film Scanners dal 1981 e 'd Scanners 2 - Il nuovo ordine dal 1991.
Sunt
L’Helena Monet (Liliana Komorowska), acsè cuma sò fradèl Alex (Steve Parrish), l'è na „Scanner“, a dir ch'l'è na dóna cun di putēr ad telecinéśi ch'l'è bòna 'd spustàr o 'd far scupiàr i quèi cun la mènt sōl vlénd-al. Da pìcula l'è stada adutàda par sò pàdar Elton (Colin Fox) ch'l à péna invintâ na dròga ciamàda Eph3 che, tacàda c'n un siròt da drē da 'l uréć, l'è bòna 'd tgnir sóta cuntròl i mâi 'd tèsta ch'a i Scanner dal vòlti i gh vìnan.
Un dè, dòp ès'r andàda a far dal cómpri cun la sò amìga Joyce Stone (Valérie Valois), l’Helena l'è custréta a druàr i sò putēr par paràr via soquànt tepìsta ch'i gh dàv'n adòs. Da cal mumènt lè la dóna la taca a catàr-ag gust e la fà scupiàr un clómb ch'al gh'iva cagâ in na maṅ e pò la và in dla clìnica dal dutōr Baumann (Harry Hill), ch'al l'iva tiràda sù da pìcula faghénd-ag di esperimènt, par far-ag saltàr p'r ària 'l sarvèl. P'r ùltim l’Helena la fà vgnir 'n infàrt a Elton par ciapàr lē la sò cumpagnìa. Al sò culaburadōr Michael (Daniel Pilon) al partìs par la Thailàndia par pascàr Alex ch'l éra andâ in fiṅ là par catàr la paś in mèś a i mònag budìsta.