Saw II - La soluzione dell'enigma
|
C'l artìcul chè 'l è scrit in
Miranduléś |
 Saw II
| ||
| Saw II - La soluzione dell'enigma | ||
 Noam Jenkins in na figùra dal film | ||
| Saw II - La sulusiòṅ d'l enìgma 2005 | ||
|---|---|---|
| Regìa: Darren Lynn Bousman | ||
| Scritōr: Leigh Whannell • Darren Lynn Bousman | ||
| Atōr: Tobin Bell • Shawnee Smith • Erik Knudsen Donnie Wahlberg • Franky G • Glenn Plummer | ||
| Müsica: Charlie Clouser | ||
| Léngua: Ingléś | ||
| Dürä dal film: 93 minüt | ||
| Nasiōṅ: Stat Unî • Cànada | ||
Saw II - La soluzione dell'enigma (Saw II - La sulusiòṅ d'l enìgma) 'l è 'n film ad scarésa dal 2005 ad Darren Lynn Bousman, girâ in sōi vint-sinc dè. A s trata dal secónd capìtul dla saga ad Saw dòp Saw - L'enigmista dal 2004.
Al film 'l à muciâ sù da piò ad sènt-quarantasèt migliòṅ ad dòlar a frònt 'd un budget ad quàtar.
Sunt
Michael Marks (Noam Jenkins), infurmadōr dla pulisìa, al s cata in na cambra a 'l scûr cun na mascra 'd fèr vèrta in dū a 'l còl cun dal punti dèntar. A 'l impruvìś a s impìsa na televiśiòṅ e 'l dutōr John Kramer (Tobin Bell) al taca a dascórar sèg druànd al putòć ad Jigsaw. Chi lò al gh diś ch'al gh'à sōl un minùt par vèrar la mascra druànd na ciàṿ che lò al gh'à lugâ da drē da 'n òć o sinò la scrucarà cupànd-al. Michael al cata 'n bìsturi ma al n gh'à mia 'l curàǵ ad cavàr-as via la balòta da 'l òć e acsè al mōr.
Al detective Eric Matthews (Donnie Wahlberg), ch'al gh'à 'n fiōl śōvan ciamâ Daniel (Erik Knudsen), al taca gl'indàśin andànd in di stabilimènt dla Wilson Steel in du 'l cata Kramer ch'l è mis dimóndi mâł par via dal càncar ch'l è drē a masàr-al. 'L Enigmìsta al gh fà ségn ad guardàr òt parsòni in un monitor: Gus Colyard (Tony Nappo), Obi Tate (Tim Burd), Jonas Singer (Glenn Plummer), la Laura Hunter (Beverley Mitchell), l’Addison Corday (Emmanuelle Vaugier), Xavier Chavez (Franky G) e l’Amanda Young (Shawnee Smith). Chi lōr i èṅ in trapla in na cà e i èṅ drē a respiràr dal gas narvìṅ ch'l i cuparà tut s'i n èṅ mia bòṅ 'd catàr dal sirìnghi 'd atrupìna in cal méntar. I gh'aṅ sōl dū óri 'd tèmp par far-al.