San Jòśè
|
C'l artìcul chè 'l è scrit in
Miranduléś |
.svg)
San Jòśè (a s lèś /sæn hoʊˈzeɪ/ in ingléś) l'è na sità di Stat Unî ch'la fà sù nuvsènt-sinquantamìla abitànt a 'l incìrca, la quàrta più impurtànta dla Califòrgna dòp Los Angeles e San Diego, e la dècima dal paéś. La s cata in dla cuntèa 'd Santa Clara e la sèra a sud la baja 'd San Francisco. In di an 1850 e 1851 l'è stada la capitàl dal stat e in di tèmp dal dè 'd incō l'è cunsideràda la capitàl dla Silicon Valley.
Tgnénd adrē a i dat dal censimènt dal 2010, la sò pupulasiòṅ la s spartìs fra 'n 42,8% ad biànc, un 33,2% 'd ispànig, un 32,0% 'd aśiàtic e 'n 3,2% ad négar.
La sità 'd San Jòśè la pōl cuntàr su vint-sic aśiéndi c'n almànc mila dipendènt cuma Adobe Systems, BEA Systems, Cisco, eBay e Apple.
Al sò sìndig, da 'l 2015, 'l è 'l demucràtic Sam Liccardo.
Persunàǵ ligâ a San Jòśè
- Randy Mamola, pilòta 'd mòti
- Farley Granger, atōr
- Dudley R. Herschbach, chìmig vinsidōr dal Prèmi Nòbel
- Eric Kretz, baterìsta di Stone Temple Pilots
- Nikki Sixx, basìsta di Mötley Crüe