Sade (film)
|
C'l artìcul chè 'l è scrit in
Miranduléś |
 Sade
| ||
.png) Daniel Auteuil in na figùra dal film | ||
| id. 2001 | ||
|---|---|---|
| Regìa: Benoît Jacquot | ||
| Scritōr: Bernard Minoret Serge Bramly • Jacques Fieschi | ||
| Atōr: Daniel Auteuil • Jeanne Balibar • Daniel Martin Grégoire Colin • Marianne Denicourt • Francis Leplay Isild Le Besco • Jalil Lespert • Philippe Duquesne Vincent Branchet • Raymond Gérôme • Sylvie Testud Jean-Pierre Cassel • Jean-Michel Gambillon | ||
| Müsica: Valérie Lindon | ||
| Léngua: Francés | ||
| Dürä dal film: 100 minüt | ||
| Nasiōṅ: Frància | ||
Sade (id.) 'l è 'n film biugràfic francéś dal 2000 ad Benoît Jacquot trat da 'l rumànś La terreur dans le boudoir ad Serge Bramly.
La pelìcula, ch'la cònta la vita dal Marchéś de Sade, l'è custàda òt migliòṅ e mèś ad dòlar faghénd-an pò sù sōl tri e quàtar.
Sunt
Durànt i an dla rivulusiòṅ francéśa, in dal Mars dal 1794, par via di sò scrit scandalóś e malnét al Marchéś de Sade (Daniel Auteuil) al vîṅ fat parśunēr e purtâ a la clìnica Picpus insém a soquànt àtar nòbii cuma 'l viscònt ad Lancris (Jean-Pierre Cassel). Tut chi lōr i próan a scampàr a 'l patìbul ślungànd quèl a 'l guàrdi.
In cla strutùra lè al marchéś al buta subìt 'l òć su la fiōla śōvna dal viscònt, l’Émilie (Isild Le Besco), e, druànd la sò parlantìna franca, al sò sèns d'l umurìśum e 'l sò manéri 'd clas, al gh la cava a inturtàr-la insgnànd-'g a gudēr di piaśēr dla vita e dal sès. Dòp ès'r-as fat dar di cōlp ad scùria da 'l camarēr Augustin (Jalil Lespert), al marchéś 'l al fà gusàr pròpria cun l’Émilie davànti a lò.
de Sade al s fà amìg cun Étienne Fournier (Grégoire Colin), culaburadōr ad Maximilien de Robespierre, ch'al gh parmét prima ad véd'r-as cun la sò èx amànta, la Marie-Constance Quesnet dita “Sensìbila” (Marianne Denicourt) e pò a scampàr anc a la ghigliutìna.