Rose rosse per il demonio
|
C'l artìcul chè 'l è scrit in
Miranduléś |
 Demons of the Mind
| ||
| Rose rosse per il demonio | ||
 L'Yvonne Mitchell in na figùra dal film | ||
| Ròśi rósi p'r al demòni 1972 | ||
|---|---|---|
| Regìa: Peter Sykes | ||
| Scritōr: Christopher Wicking • Frank Godwin | ||
| Atōr: Robert Hardy • Shane Briant • Gillian Hills Yvonne Mitchell • Paul Jones • Patrick Magee Michael Hordern • Robert Brown • Barry Stanton | ||
| Müsica: Harry Robinson | ||
| Léngua: Ingléś | ||
| Dürä dal film: 89 minüt | ||
| Nasiōṅ: Régn Unî | ||
Rose rosse per il demonio (Ròśi rósi p'r al demòni) 'l è 'n film ad scarésa gòtic dal 1972 ad Peter Sykes prudót par la Hammer Film Productions.
Giràda c'n un budget ad duśènt-sinquantamìla sterlìni, la pelìcula la tōś ispirasiòṅ da i lavōr dal mèdag tedésc Franz Mesmer.
Sunt
In dla Bavéra dal XIX sécul, al baròṅ Friedrich Zorn (Robert Hardy) al viṿ in un castèl insém a i sò fiōi, Emil (Shane Briant) e l’Elizabeth (Gillian Hills). Sò mujēr (Sidonie Bond), soquànt an prima, la s éra tòlta la vita in 'n atàc ad matéria ch'l'à ciapâ tuta la sò rasa, fra incèst e deśidèri 'd cupàr. Cardénd ch'anc i sò fiōi i àppian ereditâ cal brut mâł lè, Friedrich al i tîṅ sèmpar srâ dèntar, jutâ p'r al sò sarvidōr Klaus (Kenneth J. Warren) e par sò surèla puta Hilda (Yvonne Mitchell) ch'la fà da spés dal cavàdi 'd sànguv a la ragàsa. Purtròp fra i dū fradèi la vója 'd far sès insém la gh'è dabòṅ.
In cal mént'r in dal bòsc lè darènt i tàc'n a murìr cupàdi dal śuvnòti, cuma la Magda (Deirdre Costello) e l’Inge (Virginia Wetherell), quaciàdi pò cun di pètai 'd ròśi rósi. La gint dal vilàǵ la pénsa ch'a s trata dna maledisiòṅ o òpra dal Diàvul. Par far quèl a riva anc un prēt (Michael Hordern) cun na cróś ad légn a fōg.
Par curàr i fiōi dal baròṅ, in dal castèl a riva 'l dutōr Falkenberg (Patrick Magee) espèrt in d'l ipnutìśum.