Rivelazioni di un maniaco sessuale al capo della squadra mobile
|
C'l artìcul chè 'l è scrit in
Miranduléś |
 Rivelazioni di un maniacosessuale al capo della squadra mobile | ||
 L'Annabella Incontrera in na figùra dal film | ||
| Sparpadlàdi 'd un malnét 'd un purcùs a 'l cap dla squàdra mòbil 1972 | ||
|---|---|---|
| Regìa: Roberto Bianchi Montero | ||
| Scritōr: Roberto Bianchi Montero Italo Fasan • Luigi Angelo | ||
| Atōr: Farley Granger • Sylva Koscina • Susan Scott Femi Benussi • Silvano Tranquilli • Chris Avram | ||
| Müsica: Giorgio Gaslini | ||
| Léngua: Itagliàṅ • Ingléś | ||
| Dürä dal film: 95 minüt | ||
| Nasiōṅ: Itàglia | ||
Rivelazioni di un maniaco sessuale al capo della squadra mobile (Sparpadlàdi 'd un malnét 'd un purcùs a 'l cap dla squàdra mòbil) 'l è 'n film śal dal 1972 ad Roberto Bianchi Montero.
In di Stat Unî 'l è cgnusû anc cuma “Bad Girls”, “Confessions of a Sex Maniac”, “The Slasher”, “So Naked, So Dead”, “So Sweet, So Dead” e cuma “Penetration”, versiòṅ armuntàda 'd nóṿ cun di pès pòran śuntâ cun prutagunìsta Harry Reems e la Tina Russell.
Sunt
Al cumisàri Mario Capuana (Farley Granger) al gh'à da indagàr su 'n caś 'd umisìdi dla mujér 'd un generàł cupàda a scurtlàdi, la Floriana. Darènt a 'l cadàv'r i pulisiòt i càtan dal fóto dla dóna c'n al sò amànt. In séguit atri dū dóni spuśàdi c'n al visi ad mét'r i còr'n i fànan na fiṅ cumpàgna, prima la Serena (Femi Benussi) e pò la Lilly (Susan Scott) ch'la s la fava c'n al sò vśèṅ ad cà, 'l avucàt Paolo Santangeli (Silvano Tranquilli). Chi lò al mitìva i còr'n a sò mujér, la Franca (Annabella Incontrera), ma anc chi lē la fava àtar tant sèg dònca p'r al sasèṅ cla purcùsa lè la s mèrita 'd murìr e al la fà fóra in sal trêṅ.
I cadàv'r i finìsan sèmp'r a 'l ubitòri in dua 'l infarmēr Gastone (Luciano Rossi) al giùsta i tàj e al dróa 'l truc par mét'r a pòst i còrp p'r i funerài. P'r al fat ch'a pâr ch'al gh cata gust, Mario al dmanda a 'l dutōr Casali (Chris Avram) s'a gh'è da suspetàr ma chi lò al diś ad nò, piutòst par lò al sasèṅ al prév ès'r un fnòć invidióś, 'n óm imputènt umigliâ da cal dóni là o 'n marè curnificâ incasâ négar.
Dòp la mòrt ad n'atra dóna spuśàda e cun 'l amànt, la Renata (Krista Nell), a s fà avànti un buśòṅ (Ivano Staccioli) ch'al diś 'd èsar lò al manìac e ch'al 'l à fat par dar adòs a dal dóni nimàli e rój dèntar. Capuana al capìs subìt ch'a gh'è quèl ch'a traśa e che lì lò 'l è sōl un balìsta ma al decìd listés 'd andàr avànti miténd-al dèntar par védar la reasiòṅ dal sasèṅ, qvél véra, scambiâ p'r un fnòć. Al manìac al s fà viṿ dabòṅ telefunànd a 'l cumisàri dgénd-ag ch'l è 'n minciòṅ e ch'adès 'l è 'l sò tùran parchè sò mujér, la Barbara (Sylva Koscina), l'è una ch'la s và a far gusàr méntar lò 'l è a lauràr, dònca al sò destîṅ 'l è sgnâ.