Regina della notte
|
C'l artìcul chè 'l è scrit in
Miranduléś |
 Cérémonie d'amour
| ||
| Regina della notte | ||
 La Marina Pierro in na figùra dal film | ||
| Regìna dla nòt 1987 | ||
|---|---|---|
| Regìa: Walerian Borowczyk | ||
| Scritōr: Walerian Borowczyk André Pieyre de Mandiargues | ||
| Atōr: Marina Pierro • Mathieu Carrière • Julian Lee Josy Bernard • Isabelle Tinard • Jacques Couderc Guy Bonnafoux • Claudine Berg • Lucette Gill | ||
| Müsica: Jean-Paul Imbert Johann Sebastian Bach | ||
| Léngua: Francéś | ||
| Dürä dal film: 100 minüt | ||
| Nasiōṅ: Frància | ||
Regina della notte (Regìna dla nòt) 'l è 'n film eròtic francéś dal 1987 ad Walerian Borowczyk, chè a 'l sò ùltim lavōr, trat da 'l rumànś 'd André Pieyre de Mandiargues „Tout disparaîtra“ ch'al gh'iva da èsar, a 'l inìsi, al tìtul dl'òpra prima ch'al dvintìs Cérémonie d’amour.
La versiòṅ p'r al marcâ itagliàṅ l'è scurtàda 'd déś minùt a 'l incìrca.
Sunt
La Myriam Gwen (Marina Pierro) l'è bèla, l'è śōvna, la fà l'atōra e l'è purcùsa tant ch'ad nòt la fà 'l mistēr dla scaja. La và a casa di óm in dal stasiòṅ dla mètro a Parì e Hugo Arnold (Mathieu Carrière), stilìsta in là c'n i an, al gh casca cuma 'n pir madūr. Prima al gh và adrē, pò al s mét a sēdar darènt a lē e al la baśa in na céśa 'd Saint-Germain-des-Prés. La dóna la 'l pòrta sèg d'l apartamènt dna sò amìga a 'l ùltim piàṅ 'd un palàs in du la tîṅ dimóndi piànti trupicàli.
Dòp ès'r-as misa a i dî dgl'ungi ch'i pàran dal grifi la taca a śgranfgnàr-al dapartùt méntar na parpàja la s pògia in dla sò pèpa. Hugo al s vistìs in présia cum al pōl e al scapa via. Rivâ a i bōrd dla Senna al véd na dóna ch'la s cópa ma la gint la pénsa ch'a sia stâ lò a masàr-la.