Querelle de Brest (film)
|
C'l artìcul chè 'l è scrit in
Miranduléś |
 Querelle
| ||
| Querelle de Brest | ||
 Brad Davis in na figùra dal film | ||
| Querelle ad Brest 1982 | ||
|---|---|---|
| Regìa: Rainer Werner Fassbinder | ||
| Scritōr: Rainer Werner Fassbinder Jean Genet • Burkhard Driest | ||
| Atōr: Brad Davis • Franco Nero • Jeanne Moreau Laurent Malet • Roger Fritz • Günther Kaufmann Hanno Pöschl • Natja Brunckhorst • Isolde Barth Frank Ripploh • Werner Asam • Burkhard Driest | ||
| Müsica: Peer Raben | ||
| Léngua: Ingléś | ||
| Dürä dal film: 108 minüt | ||
| Nasiōṅ: Germàgna Òvest • Frància | ||
Querelle de Brest (Querelle ad Brest) 'l è 'n film tedésc dramàtic e eròtic dal 1982 ad Rainer Werner Fassbinder, al sò ùltim lavōr vgnû fóra dòp che lò 'l éra bèla mòrt. 'L è trat da 'l rumànś umònim ad Jean Genet.
'L è stâ preśentâ a 'l 39śum Fèstival ad Venèsia in dua 'l presidènt dla giurìa Marcel Carné al vliva dar-'g al Lèòṅ 'd Òr anc se pò 'l prèmi al 'l à vins 'n àtar fil tedésc, Lo stato delle cose ad Wim Wenders. In cla pelìcula chè la Jeanne Moreau la canta 'l braṅ “Each Man Kills The Things He Loves”, pès druâ pò cuma siggla dal prugràma 'd Rai 3 Amore criminale.
Sunt
La naṿ Vengeur c'n a bōrd al marinàr làd'r e sasèṅ Querelle (Brad Davis), cmandàda p'r al tenènt Seblon (Franco Nero) in segrét inamurâ 'd lò, la riva a 'l pòrt ad Brest. Śmuntâ śò Querelle, pascàd sò fradèl Robert (Hanno Pöschl), al riva a 'n caśèṅ ciamâ La Feria purtâ avànti par Nono (Günther Kaufmann) e par sò mujér Lysianne (Jeanne Moreau), amànta 'd Robert.
Dòp avér tajâ la góla a Vic (Dieter Schidor), Querelle al diś a Nono ch'al vrév andàr a lèt cun sò mujér e 'l fà 'n śōg sèg che s'al vins a i dâd lē la gh'arà da star-ag mo invéci s'al pèrd al gh'arà lò da far-as dar da Nono. Querelle al fà in manéra 'd pèrd'r apòsta ma c'l àtar al capìs incòsa. Quànd Nono al fà pò 'l śburòṅ cun Robert dgénd-ag ch'al s è fat Querelle, i dū fradèi i s quistiónan 'd brut. In séguit al marinàr al dvènta 'l amànt dla Lysianne anc s'in mèś al cata l'ucaśiòṅ ad ciapàr-'l anc da Mario (Burkhard Driest).
Par furtùna 'd Querelle un muradōr ad nóm Gil (Hanno Pöschl), ch'al sumìlia dimóndi a sò fradèl e ch'al s è lugâ in na parśòṅ bandunàda, al vîṅ cardû lò 'l sasèṅ ad Vic par la pulisìa. Al sò amànt Roger (Laurent Malet) al dmanda a Querelle ad jutàr-'l a scapàr via.