Puppet Master: The Legacy
|
C'l artìcul chè 'l è scrit in
Miranduléś |
 Puppet Master: The Legacy
| ||
 La Kate Orsini in na figùra dal film | ||
| Al buratinàr: al làsit 2003 | ||
|---|---|---|
| Regìa: Charles Band | ||
| Scritōr: C. Courtney Joyner | ||
| Atōr: Jacob Witkin • Kate Orsini | ||
| Müsica: Richard Band | ||
| Léngua: Ingléś • Tedésc | ||
| Dürä dal film: 80 minüt | ||
| Nasiōṅ: Stat Unî | ||
Puppet Master: The Legacy (Al buratinàr: al làsit) 'l è 'n film ad scarésa americàṅ dal 2003 ad Charles Band che chè al s firma cuma Robert Talbot. A s trata d'l utàṿ capìtul dla saga dal Puppet Master, pinsàda par David Schmoeller, ch'al mét insém dimóndi pès trat da i film precedènt.
La pelìcula l'è vgnuda fóra diretamènt p'r al marcâ d'l home video.
Sunt
L'agìnta Maclain (Kate Orsini), decìśa a cgnós'r i segrét dla fórmula druàda da 'l buratinàr André Toulon par dar vita a i sò putòć, la próa a savēr-an da piò lśénd al sò diàri. Quànd la capìs ch'l è listés che ciucàr na spòrta róta, la và a pascàr Eric Weiss (Jacob Witkin), un vèć che Toulon 'l iva salvâ da i naśìsta quànd 'l éra pìcul durànt la secónda guèra mundiàla.
Chi lò adès al viṿ insém a i ùltim buratèṅ ad Toulon (Blade, Pinhead, Jester, Tunneler e Six-Shooter) e 'l gh'iva prumìs ch'al n arév dâ la fórmula a ninsòṅ. La dóna però la fà dabòṅ e la gh spara in un śnòć par custrìnśar-'l a dar-'g i nàstar dal buratinàr.
La saga
La saga dal Puppet Master la mét insém trédas pelìculi dirèti par di regìsta difarènt:
- 1989 - Puppet Master - Il burattinaio ad David Schmoeller
- 1990 - Puppet Master II ad Dave Allen ad Dave Allen
- 1991 - Puppet Master III - La vendetta di Toulon ad David DeCoteau
- 1993 - Il ritorno dei giocattoli assassini ad Jeff Burr
- 1994 - Giocattoli assassini - Scontro finale ad Jeff Burr
- 1998 - Curse of the Puppet Master ad David DeCoteau
- 1999 - Retro Puppet Master ad David DeCoteau
- 2003 - Puppet Master: The Legacy ad Charles Band
- 2004 - Puppet Master vs. Demonic Toys ad Ted Nicolaou
- 2010 - Puppet Master: Axis of Evil ad David DeCoteau
- 2012 - Puppet Master X: Axis Rising ad Charles Band
- 2017 - Puppet Master: Axis Termination ad Charles Band
- 2018 - Puppet Master: The Littlest Reich ad Sonny Laguna e 'd Tommy Wiklund