Pulp Fiction
|
C'l artìcul chè 'l è scrit in
Miranduléś |
 Pulp Fiction
| ||
| Pulp Fiction | ||
 Bruce Willis e John Travolta in na figùra dal film | ||
| Rumànś da quàtar sòld 1994 | ||
|---|---|---|
| Regìa: Quentin Tarantino | ||
| Scritōr: Quentin Tarantino • Roger Avary | ||
| Atōr: John Travolta • Bruce Willis • Uma Thurman Samuel L. Jackson • Tim Roth • Amanda Plummer Harvey Keitel • Christopher Walken • Peter Greene Eric Stoltz • Rosanna Arquette • Quentin Tarantino Steve Buscemi • Maria de Medeiros • Kathy Griffin Alexis Arquette • Frank Whaley • Michael Gilden | ||
| Müsica: Difarènt artìsta | ||
| Léngua: Ingléś • Spagnōl • Francéś | ||
| Dürä dal film: 108 minüt | ||
| Nasiōṅ: Stat Unî | ||
Pulp Fiction (Rumànś da quàtar sòld) 'l è 'n thriller dramàtic americàṅ dal 1994 ad Quentin Tarantino numinâ par sèt vòlti a i Prèmi Òscar dal 1995 e vinsidōr ad qvél par la senegiadùra uriginàla, scrita da lò insém a Roger Avary, regìsta ch'in dal 2007 'l à cupâ in 'n incidènt in màchina 'n inśgnēr mudnéś in viàś ad nòsi in di Stat Unî[1]. La pelìcula l'à anc vins la Palma 'd Òr a 'l 47śum Fèstival ad Cannes.
Custâ òt migliòṅ ad dòlar o pôc da piò, al film al 'n à pò purtâ a cà dagnóra duśènt-quatórdas.
In dal 1998 'l American Film Institute al 'l à mis dènt'r a la lista di sènt film americàṅ più bèi ad sèmpar.
Sunt
Méntar "Suchèṅ" (Tim Roth) e "Cunìna" (Amanda Plummer) i èṅ drē a strulgàr in un bar un cōlp ch'i gh'aṅ da far, àtar dū delinquènt, Vincent Vega (John Travolta) e Jules Winnfield (Samuel L. Jackson) i s daṅ da far par tōr indrē na valìś che soquànt ragàs i aṅ fargâ a 'l sò cap, Marsellus Wallace (Ving Rhames), un tisi specialiśâ in tragatèṅ ch'l órdna a Butch Coolidge (Bruce Willis), un pùgil a la fiṅ dla sò caréra, ad pèrd'r apòsta 'l incóntar ch'al gh'à da far.
Cla sira lè Vincent, su incàrag dal sò cap, al pòrta a séna sò mujér, la Mia (Uma Thurman), par far-la divertìr. Dòp avér vins un prèmi a na gara 'd bal, la ragàsa la tira sù p'r al naś dl'eruìna e par pôc la n gh'armàgn minga séca.
Culegamènt estéran
- (EN) La schéda dal film in s'l IMDb
- (IT) La schéda dal film in sal FilmTv
- (IT) La schéda dal film in sal sit dla Cunferénsa Episcupàla
Nòti
- ↑ Incidènt, 'n óm al mōr in viàś ad nòsi La Gazzetta di Modena, 15 ad Śnar dal 2008